Ma Ni Hpe Hpa Majaw Laklai Ai Hku Makawp Maga Ra A Ni? ( Cathecasim )

Ma Ni Hpe Hpa Majaw Laklai Ai Hku Makawp Maga Ra A Ni?

Ma ni hpe lam shagu hta e, n gun shaja ya ra ai, makawp maka ya ra ai, " Ma ni gaw dinghku, mungdan hte mungkan hpe Karai Kasang jaw ya ai kaba dik ai kumhpa re" nga nna, Mother Tresa tsun ai, Ma ni gaw hpang na shinggyim masha ban a myit mada shara re, Mungkan a shara law law hta, tsi mawan nnga ai, ram ging ai malu masha nlu ai, npawt nhpang hpaji nlu ai, shingbyi shara pyi nlu ai re, bai nna myit kataw hpa lam ni gaw g.sh. ma hpaga ga ai, ma kaji ni hpe bungli shangun ai, " lam hkan dam taw nga ai ma ni" hpe majan hta jai lang ai, ma kaji ni hte dinghku de ai, makaji ni hpe roi rip ai, la kasha kaji , num kasha kaji ni hpe hkam shan kanawn ai, bungli galaw shangun ai, kaga hkrang amyu myu  hku nna, adip arip di ai nga ma ai, Ndai zawn hkrat sum nga ai ma ni a sari sadang hte ahkaw ahkang hpe, mungdan madang hku nna mung, mungkan madang madang hku nna mung, makap maga ya na hpyi shawn lam galaw ra ai