Laubu Lap A Hkamja Lam Akyu Ni

Laubu pawt hpe sha ai masha law ga ai raitim shi a lap hpe gaw tsan kabai kau chye nga ga ai re. Kaja wa nga yang laubu pawt a lap mung shadu sha mai ai hte hkum hkrang hkamja lam akyu law law hpe jaw ya lu ai lu sha rai nga ai. Hpa majaw nga yang laubu lap hta lu sha n gun dat ni rai nga ai protein dat, carbohydrate, potassium, calcium, sodium dat, hpri dat, phosphorus, folic acid, vitamin C, vitamin A, vitamin B6 hte magnesium dat ni rawng nga ai.

Dai dat atsam ni rawng ai re majaw laubu lap hpe sha ai rai yang lagaw lata sharu ai lam nbyin hkra makawp maga ya lu ai, hkum chying n gun kaja ai, jit sa hka hkaw kaja ai, shan htoi ana byin ai hpe hkyamsa shangun lu ai, vitamin C dat hpring ai, jit dwi ana nbyin hkra makawp maga ya lu ai hte gung ni hpe la shatsai kau ya lu nga ai.

Hp majaw lagaw lata sharu, ba kahpau ai lam nbyin ai kun ngu ai hpe hka ja yu yang laubu lap hta hpri dat hte phosphorus rawng ai zawn hkum hkrang hta n nga n mai ra kadawn ai, n hprang dat ni rai nga ai vitamin C, vitamin A, thiamine ni grai law rawng ai majaw lagaw lata sharu, ba kahpau ai lam n byin hkra makawp maga ya lu ai hte sai n gun yawm ai lam n byin hkra mung makawp maga ya lu ai rai nga ai.

Lamang tang madun ai - Julia Ja Ing