Lanam Bahkri Si Pru Shadang Kaja Hkra Hkai Ai Ladat

Lanam Bahkri si pru shadang law na matu gara hku ladat the hkrak hkai ra na ngu ai hpe gam garan ya na n-ngai.

  Bahkri si hpe marang law ai buga ginra ni hta (lanam ta laman) hkai ai shaloi Jan n htoi shingkang yawm ai,ana zinli latung duhkrat ai lam,tsing htat nna hka ing ai n dai zawn re daw sang ni a majaw yawm chye ai.Gat lawk hta lanam bahkri si ni gaw manu kaja lu chye ai. Dai majaw lanam ta hta bahkri si hkai mayu ai ni a matu bahkri si bra ai ten kaw na di la ai ten duhkra ra ahkyak ai galaw ra ai ,koi ra ai lam hpe mu hti lu ai hpe gam garan ya na n -ngai.

Bahkri si myu nli ni bawng galaw hpang ai lam

  Bawng ntsa htra tum hpe yan hte ra hkra raitim,gat ayai nna raitim,bawng bra galaw chye ai majaw htawtsit hkai na matu baw la ai shaloi bra ban a ru ni daw wa ai kaw na bacteria hpun nyip ana ru yat kamu an ani shang chye ai.Ndai an ani nbyin hkra plastic (sh) bra ….pyo ban ni the bawng u.bra pinra hpe ga man na lahta daw de 1’ jan 2’ tsaw galaw u.bra pinra ntsa kaw na plastic asan re , ahpraw hte galup jaw u.bai jan shingkang law yang atsit re jan shinggang ai baw hte bai kahtap galup jaw u.Hpun hpe latung ana n shang hkra sakar hte chying hkra kum jaw u.hpun ban kaji ten hta hka jaw ai shaloi san seng ai tsi gat pung hpe jai lang ya nhtawm jahpot hte shana jau jau ten hta hka jaw hprim ya u.Bawng da ai bra ban ni hpe gaw nhtoi (20) ya ram re ai shaloi htawt sit hkai mai sai.

Bahkri si hkai na matu hkai bawng gram lajang ai lam

  Law malawng ga man hta hkai ai majaw marang law ai shaloi ru ni yat nna si chye ai .Bacteria hpun kyip ana hte kamu a majaw byin ai hpun nyip..ndai ni aloi ali byin chye ai.Ga namhpun ni majoi sum mat ai lam,tsing htat nna latung an ani makoi gyem rawng chye ai.ndai ni nbyin hkra bahkri hkai bawng hpe plastic magap nna hkai u.

  Hkai bawng dam de (3’) sh3’jan tsaw de (8”-1’)duhkra da u.HKa shaw hkawng hpe sung sung htu u.Ga lanep dat namhpun,nga hkyi shatsam,U hkyi shatsam hte wa n hkaw wan wu ni hpe ra hkra gayau nna bawng galu de 3’ hku na (15)grup nga hkyi,bye 1,U hkyi pawng 4,wa n hkaw wan wu bye1 shandang the bang u.Bawng ntsa hpe ding da (4’)nga ai plastic ahpraw ntsas kaw na ga -up ya u.

Nam hpun hte latung sat tsi jai lang ai lam

  Bahkri si hpun hpe lanam ta hta Pulay namhpun hpe n shadawn n sharam n mai jaw ai .Nampan n nan pu hpang ten hta Pulay jaw hkrup yang asi n si chye ai.N nan si hpang ai ten hta she Potash hte Pulay hpe gayau jaw sha u.Kamu ana makawp maga tsi hku na manko Z hte Calorotar Lonay hpe nhtoi 5 ya hta kalang lai lail gat jaw u.shan rawt ni hpe daw kau yaia lam,lap kung ai hpe di kau ai lam,galaw jaw u.Aten dep shadaw sharawt ai lam yan galaw ai lam ni hpe galaw jaw u.n dai zawn bawng galaw ai,hkai bawng ga-up ai,namhpun jaw ai,latung ana makawp maga shamyit ai lam ni hpe lai ladat the hkrak galaw jaw ai marang e lanam ta hta bahkrai si hpe awng dang ai the hkai mai ..hkai lu ai.