Laika Hti Hkaja ai gaw Anhte a Myit Masa Myit Ningmu ni hte Kyang lailen ni hpe kaja ai hku Galai Shai lu na matu madi sha daw ya ai.

Shinggyim Masha shagu a myit masa bawng ring galu kaba na hte wuhpung uphpawng ni a nga sat ngasa htunghkring ni rawt jat galu kaba na hta Machye machyang hpaji gaw grai nan a hkyat nga ai. prat a matu kaja wa hkaja la ra ai hte manu daw dan n lu ai lam gaw laika hti ai lam rai nga ai. A mericam shiga dap kaw na shana shabra ai hta A merican hkyut htawng hta rawng nga ai tsalam shadang masha ni gaw laika n hti ai ni rai nga ma ai nga n na shana shabra da ai hpe chye lu ai. dai re ai majaw anhte ni mung laika law law hti ra nga ga ai,hpe majaw nga yang laika hti ai gaw anhte a myit masa myit ningmu hte kyang lailen kaja ai hku galai shai ya lu ai.laika hti na aten nlu jaw ai ,laika hti myit n lawm ai nga n na anhte tsun chye ga ai. N dai lam hte seng n na Myit masa Hpaji Ninghkring kaba Kumhpyu Shat gaw laika nhti ai wa gaw tinang hkum hpe shagrit kau ai hte manu n shadan chye ai hpe madi madun ya ai.

laika hti ai gaw anhte a prat hta hpaji hpe rat law law lu ai. sum mat wa ai ngu n nga ai kaning zawn re ai laika hti ai raitim yawng gaw manu dan a kyu rawng ai hkrai rai nga ai.Sara kaba langai mi a ngun jaw matsun ga hta mungka hta hpa byin taw nga ai Mungkan shiga hpe chye lu na matu shani shagu na shiga shata shagu htuk shapraw ai Magazin laika ni hpe hti n na laklai shai wa ai Mungdan masa hpe hkaja ai zawn Wenyi hkrung lam a matu mung chyum mungga hti sumru n na Wenyi n gun jahpring nga ga nga n na n gun jaw ya ai.laika n hti ai majaw mahkrum madup machye machyang hpaji nlu ai majaw masha ni hta grau hpang hkrat nga taw sai hpe myit dum let ten tup sawk sagawn hti hkaja ra nga ga ai. laika hti mayu ai myit the kaja wa hkaja wa shakut ai masha gaw Bawnu hta matsin ai rai tim n matsin aii raitim hkaja ai a apu asi nia gaw tinag a prat a matu machye machyang nli tum zawn rawng nga ai. laika htia hkaja ai a prat gaw n dum shami rai laklai ai hku a kyu ni hpe hkam la lau ai hte Awng dang ai hpe mung lu la shangung nga ai. uphpung uphpawng hte shawa law law hta kaja ai kyanag lailen kanawn mazum nga sa lam ni simani ai hku tsun shaga chye n na tinang a prat hta yaw shada ai ban dung ni tawn da let shakut wa ai . laika hti hkaja ai hte hkaja ai lam n nga ai masha gaw grai nan shai la nga ai. laika hti hkaja ai wa gaw magam bungli shagu hpe myit yu sawn yu n na galaw ai hkaja lu sai machye machyang ni hpe tinag a matu sha n rai kaga masha ni a matu mung a kyu jashawn jai lang ai. prat rawt jat lu na matu (Information ) ngu ai shi laika ni hpe law law hti hkaja ai rai yang sutmasa lam ni mahkrum madup ni law law lu wa na rai nga ai.

Hkam ja na matu Ngun rawng ai malu masha ni hpe sha ya ai zawn Bawnu nyang marai hpring zup lu na matu machye machyang ni myit masin hpe ngun jaw ya ai laika ni law law hti ra nga ga ai Hpungtang hpaji hte chyam dinglit ai hte seng ai sumrai laika ni law law hti ai rai yang daini mungkan a prat madang hte maren chyena hkawn hkrang n na prat lahkam dep wa na rai nga ai Prat madang tsaw let ding yang rawt jat galu laba nga ai Mungkan a hpaji machye machyang ni hpe kanu kawa Sara ni sharin ya ai hte sha n law wa sai.prat hta hkan n na makau grupyin rawt jat wa ai hpaji madang hpe chye na dep hkawn lu na matu laika hti hkaja ai gaw grai nan a hkyat nga sai. Laika hti hkaja ai hpe n hkring nsa rai hti ai hku n rai tinang a bungli hkring sa ten shing nrai yupra nshang ten ni hta n law htum Munites (20 -25 ) dang hti hkaja ai rai yang aten na wa ai hte rau Bawnu nyaimarai ni hpringzup wa na bungli masan sa nna masha ni hta grau kungkyang wa na hpe Hpaji Ninghkring ni kaw na matsun madun ngun jaw ya ai,Digital prat n dai hta laika hti hkaja ai madang hta grai n gun yawm wa sai hpe chye lu sai.Tv yu ai Facebook mada Computer games ginsup ai ni hpe byin mai ai daram shayawn kaulu hkra laika hti hkaja ai hpe manu shadan let tinang a prat a matu tatut jai lang a kyu rawng ai hku manu shadan ai rai yang tinang a prat grau rawt jat galu kaba lu hkra laika hti hkaja ai hpe sharawng shara rai n na htila lu sai machye machyang ni hpe a hkaw ahkang lu ai hte tatut jai lang a kyu jashawng ai rai yang laika hti hkaja ai wa a manu dan ai lam gaw tinang a matu sha n rai kaga masha ni a matu mung manu dan akyu pru ai lam lu la uga Peter lahtaw Zawng Awng ka tawn da ai Makam masham nli Magazin kaw na gam garan dat ai.