Kabu Gara Shiga Hti Ai Shaloi, Lahtan, Nten Ntsa, Sinda Ntsa Ni Hta Kahtawk Ai Lachyum Gaw Hpa Rai Kun?

Nawku Dawjau ai ten, Nawku Dawjau ai jau gaw, Madu a Kabu Gara Shiga hti ai shaloi, Ya hti na gaw Madu a Kabu Gara Shiga hta na rai nga ai ngu nna tsun ai shaloi,

Shawa masha ni gaw, Madu e, nang kaw hpung shingkang anga nga u ga law ngu nna tsun ai, Lahtan, N'ten n'tsa, Sinda n'tsa ni hta, kahtawk hkrak wa ai lachyum gaw hpa rai kun?

Dingsing Jau Ginwang, Hkabra Sara Ninghtawn, Laikaw kaw nga nna, Ya ten Lana Zup IDP Camp 2 kaw shanu nga ai Rosa Nbrang Yun Htang a ga san hpe htai ya dat lu ga ai.

Kahtawlik Nawku Hpung hta Missa HKungga Dawjau ai lamang hte seng ai Akyu Hpyi ga ni hte laga akyu hpyi ga ni gaw, Chyum Laika ni hpe npawt da ai re majaw Chyoi Pra ai hte lachyum grai hpring ai akyu hpyi ga si ni rai nga ai