Jumdwi Hpe Shadawn Sharam Rai Sha Chye Ga

Jumdwi gaw grai akyu rawng ai lu sha rai nga ai hte jumdwi nsha ai masha mung n nga ga ai re.Hpa majaw nga yang jumdwi tawng nan nsha rai tim malu masha muk hpan ni law law hta jumdwi lawm nga ai.Dai zawn anhte hpe akyu jaw ya lu ai rai tim jumdwi hpe ra ai hta jan nna grai law sha bang jang hkum hkrang hkamja lam hta hkra machyi shangun wa lu ai hpe mung anthe machye machyang lu tawn da nna shadawn sharam lu sha chye na ra ahkyak nga ga ai.

Lama na lani mi jumdwi kyaw hpe ra ai hta jan nna sha ai rai yang laning mi na ai ten na a hkum hkrang hta jumdwi kyaw (365) majaw rawng taw na rai nga ai.

Dai jumdwi ni gaw kaga malu masha ni zawn hkum hkrang kaw na bai npru mat ai.Triglyceride ngu ai sau myu mi hku nna hkum hkrang kata shara shagu  hta rawng taw nga ai re.

Hkum hkrang na sai lam,salum shara ni a shakum hkan gau ngwi ngwi wa kap majaw rawng wa ai.Dai shaloi gaw sailam chyum gyip ai,sai lam pat ai,sai lam kaw na sai ge pa ni byin wa chye ai.Dai sai ge pa gaw sai lwi gayin ai hta lawm mat nna bawnu kata de du mat nna sai lam pat ai lam byin wa chye nga ai.Dai hpe hkum chyen si ai,hkum katsing si ana nga nna tsun nga ma ai.

Sai lam ngu ai gaw hkum hkrang shara shagu hta nga ai re majaw hkum hkrang shara shagu hta byin wa chye nga ai.Sai lam ni hpe chyum gyip mat wa shangun nga ai.

Lagaw na sai lam chyum gyip ai rai yang lagaw yet wa ai.Salum kaw sai lam pat ai rai yang salum ana byin lu wa ai.