Ja Zawn Manu Dan Ai Ningbaw Kaja

     Nang ngai anhte a prat hta katsi kamang tai ya ai, shakut hkam sharang ai ,marai ningja rawng ai Ning bawng hte seng n na shiga madat ni a matu  gam garan kachyang mayu n ngai .masha law malawng gaw Ningbaw ngu ai gaw madu hte n seng ai ngu hkap la chye ga ai .kaja wa tsun ga nga yang masha shagu hte seng nga ai,dinghku kata wuhpung wuhpawng ni hte mungdan hta e woi awn ai Ningbaw n nga yang dai wuhpung gaw yat yat bra mat wa na rai nga ai.Ningbaw ngu ai gaw  masha law law hpe katsi kaja tai ya let lam woi awn ning shawng ai ni rai nga ai.Ngai asak naw kaji ai mahkrum madup machye machyang n nga ai majaw Ningbaw hpa awn ngai hte n seng ai ngu hkam la chye ga ai, masha shagu Ningbaw ni rai nga ai.  Ningbaw langai  a atsam ningja ngu ai hpe kaji ten kaw na  shaman  shapan la ra nga ai. kaja ai Ningbaw langai tai na matu hpang hkan nang ai kaja ai ma shawng tai ra nga ai.. Ningbaw ngu ai wa shi hkum nan yawng a matu shakut shaja ai, arawng aya, hpaji madang tsaw ai hte sha nrai Ningbaw kaja langai mi hta akyang lai len kaja na matu mung  a hkyak madung rai nga. Ningbaw langai hta nga grin ai  woi awn lu ai  a tsam gaw  gara hku rai ra ai,  dai atsam ni hpe  lu shadik na matu kaning re ai madang  hku shaman shakyang galaw  sa wa na grau n na  myit lawm let hkaja shakut ai, hkaja nga ning len n kau mi gaw nga grin ai  atsam ni hpe n lu hkan shatup ai  majaw myit daw  asum jaw mat ai ni law law nga ai. Teng sha tsun  ga nga yang Ningbaw langai  gaw mayak mang hkang ni hpe shawng tau hkraw chye na da ai rai yang  woi awn ning shawng lu ai  ngun  atsam marai ningja  ni hpe  shingdaw let hkan shatup lu na rai nga ai.Ningbaw langai a garum daw jau chye  ai marai ningja   gaw masha ni hpe myit sharawt ya ai  ,myit ngun jaw ai hte wenyi hkrun lam hta mung kalu kaba shangun ai. shawng lam masin shingran hpe masat let yawng hpe  zinlum Ium ai hte dai shing ran hpe tsun dan let  shi hte rau a mu lit lamang garan shakut galaw ai. garum daw jau chye ai Ningbaw hta arawng aya  ahhkang aya hpe madung  nda ai  grit nem ai myit hte hkam sharang myit hte lam woi ai, magam bungli  galaw ai hta mying gum hkawng ai lam ntam ai, masha wa a matu  akyu lu awng dang lam lu u ga myit tau ya let garum daw jau ai wa rai nga ai. yawng hpe rapra magam bungli jaw let uphpung uphpawng yawng  awng dang lam  lu hkra yawng jawng amu galaw ai ladat hte  woi awn ai. bungli ni hpe madu myit hte uphpung uphpawng yawng a kyu lu hkra shakut sha ja ai . marai ningja  hte hpring ai Ningbaw kaja byin lu na gaw  nloi   nga ai .si mani ai hku tsun shaga let makau grup yin na tsun shaga ai  n sen hpe madat n na tut e matsin hkaja ai ,Ningbaw kaja langai byin na matu ,tinang hkum hpe shawng woi awn la chye ra nga ai ,A merican Gumsan magam usa Heri Htamen gaw tinang  hkum hpe woi awn lu ai lam n lu  yang kaga masha wa hpe woi awn ning shawng  na nbyin mai  lam hpe tsun shadum ya nga ai.

    Ningbaw kaja langia byin na matu  hpaji  arawng  aya hte sha mung n lu mai kyang lailen myit jasat tsawm htap na mung  ahkyat Madung rai nga ai.Tinang Ningbaw magam hpe gun hpai nga yang lawu na ni yawng Ningbaw wa hpe katsi  la na rai nga ai.magam bungli kaba langia hta Ningbaw wa gaw tinang woi awn galaw ai lam jaw ai njaw ai  hpe maram dinglik  yu lam n nga ai ,Ningbaw wa kyang lailen n kaja ai  rai yang dai uphpung gaw rawt galu kaba lam n rai hkrat sum ai de sha rai mat wa ai.dai majaw uphpung langai galu kaba wa na matu Ningbaw  wa a lit rai nga ai,kyang lailen kaja mung rawng ra ai.Ningbaw ngu na wa Magam bungli galaw ai shaloi  bungli galaw ma ni lu ang ai  daram njaw ai tinang a tingkyen a matu sha galaw ai ndai zawn rai myit masa gaw jahkring  mi na matu sha rai  na re magam bungli shakut shaja ai  ni hpe myit pyaw lam lu jaw ai, lu la gin ai ahkaw a hkang hte shakut shaja ai apu asi ni hpe madang hpring hkara jaw ya ai rai yang tingnang  woi awn nga ai uphpung gaw  jahkring mi laman hta awng dang lam lu la na rai nga ai.

Ningbaw kaja ni  law law madat ya hpe mu mada chye lu ai. madat mara ai hpe madung da ya ai Myenmun dan a  Gumsam magam usa wa  U Tin Tsin kaw na mung shawa masha ni a nsen ,ra sharawng ai lam hpe madat na matu  tsun lai wa sai,n dai zawn shawa masha law law a nsen hpe madat ai majaw Mali zup hka madim na hpe jahkring kau lu ai. Bungli  a matu hpaji hparat hpring zup ai ni hte hkrum sha ga n na mai kaja ai katsi ningli hpe mung sawk sagawn hkaja la ra ai. shani shagu hkaja la ai gaw Ningbaw ni a matu machye machyang ni gaw hkyat nga ai. anthe a Mungdan hta masha shagu woi awn lu ai atsam ningja hte  hpringzup ai Ningbaw kaja ni law law ra wa nga sai. Kun dinghku ,wuhpung wuhpawng,mungdan rawt jat na gaw Ningbaw wa ahkyat madung rai nga ai majaw  Ningbaw wa a htauli htaula,myit shinran machye machyang nga ai daram mung dan rawt jat na rai nga ai. dai majaw  laili laika tam sawk sagawn hti na,  mungkan shiga Ningbaw ni a shskut shaja ai hte seng na ka da ai  laika Magazin sharin hpawng ni  law law shang lawm lu   hkra aten jaw  shakut ra nga ai .laika ka sara Rick Warren gaw  sharin hkaja ai hpe jahkring kau ai shani gaw Ningbaw atsam hkrat sum ai shani re nga madi madun ya ai the maren   anhte a mung dan hta hpaji hparat lam hta kung kyang  ai Ningbaw kaja ni  law law nga let woi awn lu na matu grai hpang gara ahkyat taw nga sai,majaw  manu dan ai Ningbaw kaja ni tai lu hkra  hkaja shakut sa wa  ga ngu sara kyaw kyaw lai ka tawn dai ai ja zawn manu dan ai Ningbaw hte seng ai machye machyang ni hpe gam garan dat ai.