Hristmas Chyeju Ga Shagawp

Saturday, December 25, 2021

Hristmas Chyeju Ga Shagawp
**********************
Namlim pa jau aseng Hka San sara ning htawn Hka san mare kaw,nga lai wa na ya bum tsit pa hpyen yen Camp 2 kaw, shanu nga ai Ritar Hpaula ji tawng gaw

shawng ning nan hpa ntsun shi yang wa karai kasang e ngai hpe ga shagawp sawn sumru na ahkaw ahkang bawnu atsam myit marai jaw ya rit law
RVA rung hte mung gum hpawn Dai ni mali kaja nhtoi zinhka Wunli lu wundan pru ai 2021 ning Decemder N htoi ladaw bai du sai lu oi
moi mungkan ga nnan lat gyinding aga nnan shaprat
shing gyim masha hpe mung hpan shalat
shing gyim masha ni a prat yubak htawng de hkrai gagat
nang shawng ngai shawng lam she chyat nmai nmai hkyela ra sai
mungkan masha ni htum mat na she tai
AD ngu ai prat mung bai du shing gyim masha ni a ntsa mau hpa kumla dan pru wa
Wa yosep hte Nu mariy karai kasang a chyeju sansan hte wa
ma yesu hpe bai shangai ya
sin praw mung na hkawhkam masum du
ma yesu hpe hkap tau hkalum sa nawku sai da lu n shung ta hta shangai sai December 25 ya hta shangai
yubak htawng na hkye hkrang la na nga yesu madu shangai wa ai nshung ta nshung byinpu ni noi abya
Hkrismat shata she bai du shing gyim masha ni a myitkraw kata kabu awlaw ka manawt let
nchye tsun hkra myitkraw kata chyeju shakawn na Hrismat poi de sa
shaman chyeju hkum sumhpa Missa hkungga hta nawng ya mungkan masha yawng hkam la Hrismat poi a chyeju wa yawng gaw hkam la ra sana
ka shagawp mung nhpra
du na shaning hta she matut shaga
nchye nkaw rai tim shagawp shakawn mayu
shut ai lam ni nga na sai lu
sharai nna madat hkamla hpa chyi jaw lam woi la marit ngu shiga madat ni hpang de saw lajin dat nngai lu
Ga shagawp hpe sawn sumru ka shapraw la lu na matu bawnu myit marai atsam jaw ya nga sai wa karai hpe na,chying chyeju dum dik sai law
Hrismat poi hta bai hkrum zup ga RVA magam gun Wa jau hte Nu Mama sara sara num ni yawng hte shiga madat nga ai ni yawng hpe grai chyeju kaba sai yawng a ntsa ma yesu shaman ya u ga law