Hkristan Tara Gaw Mung Masa Makam Re Ni? ( Cathachism )

Hkristan Tara Gaw Mung Masa Makam Re Ni?

Yesu gaw gara ten hta raitim, shi hkum hpe mung masa lam de dun bang na nhkraw ai, Dai majaw Yesu gaw, Israel mash ani hpe Roma ni kaw na dawsa n-gun hte hkye shaw na matu shakut ai Zelutu ( zealot ) ni kaw nhkan ai.

Yesu gaw amyu baw shagu hpe hkye hkrang la mayu ai, shang lawt jaw mayu ai, Masha hte Karai Kasang hku hkau lam hpaw mayu ai, dai majaw shia Kabu Gara shiga gaw masha shagu hte shawa a matu rai nna, mung masa lam lawm tim, mung masa hta grau nga ai, shawng nnan , Yesu tsun ai ga, “Kehta hte seng ai hpe Kehta hpe jaw u, Karai Kasang hte seng ai hpe Karai Kasang hpe jaw u ” ( Mt.22:21 ) nga ai hte  maren anhte gaw mung masa hte makam masham lam ni hpe ginhka ra ai.

Makam masha hte mung masa hpe ginhka ai gaw, moi na Mungkan hta chye madat na matu yak ai, tatut hkrang shapraw na matu yak ai, dai ni du hkra Muslim mungdan law law hta naw yak taw nga ai.