Hkamja Mayu Yang Ndai Lam Ni Hpe Galaw U

Nang kaja wa nan hkamja ai masha langai byin mayu ai rai yang gaw ndai lam hpe nbyin nmai galaw ya nga u,teng sha akyu hkam sha lu na ra ai.

1.Masha langai a yup hkring sa la na kaja dik ai aten gaw shana 10 pm – 6 am du hkra rai nga ai.

2. Jahpawt yup rawt ai aten hka law law lu nna,shana maga hka shayawm lu u.

3.Laja lana rai ginsup shamu shamawt lam galaw ngut ai hpang nhkring la ai sha,hka grai law hkum lu bang dat,dai hpe galoi mung sadi ya nga u.

4.Tsi lu ai shaloi hka gye ntsin hte nmai gapyawn lu ai.

5.Shana maga daw 5:00 a hpang malu masha grai law hkum sha u.Malu masha hpe jahpawt hte shani ga-ang hkan hkru hkru sha nna shana shat hpe shayawm sha ai gaw hkamja lam a matu kaja dik rai nga ai.

6.Sau law rawng ai malu masha ni hpe mai  byin ai made shayawm sha ya u.

7. Lani mi hta coffee grai hka ai,gawm lahkawng hkum lu u.Coffee gaw hkamja lam hpe akyu jaw ya lu ai rai tim grai law lu jang,mang hkang bai jaw lu ai hpe dum ra ai.

8.Phone shaga ai shaloi la pai maga na hte madat u,dai gaw hkamja lam hte htap htuk ai lam rai nga ai.

9.Phone battery wan n-gun bang taw ai shaloi lata hte nmai lang da ai.Tsun mayu ai gaw dai aten wan n-gun bang let phone hkum shaga,phone hkum kajam,hkamja lam hta hkra machyi wa lu ai.

10.Phone shaga ai,mahkawn madat ai shaloi hkan,ear phone ngu ai na hta shachyawp lang ai sumri hte madat ai rai yang aten mi hta shag rai na shachyawp madat ai hpe koi gam ra ai.Dai zawn galaw ai gaw na hkamja lam sha n-ga bawnu hkamja lam du hkra,hkra machyi wa lu nga ai.

Dai re majaw tsawra ai shiga madat nu wa hpunau ni nang kaja wa nan hkam kaja mayu ai masha langai rai yang gaw ndai lam ni hpe galoi mung hkan galaw ya u ga.Myen ga malai hta asak hpe nyan e sin ai nga nna tsun ai hte maren hkamja lam hpe tinang a machye machyang ni hte rau makawp maga la nna myit masin,hkum hkrang,ngwi pyaw hkam kaja ai akyu hpe hkam la nga ga law.