Hkam Kaja Asak Galu Mayu Ndai Kun

Hkam kaja lam ngu ai gaw tau nau sadi sahka makawp maga la ai kaja dik rai nga ai.Byin ai hpang she tsi lajang shamai la na ngu ai gaw machyi shoi hpa hkam sha ra ai sha n-ga,ja gumhpraw mung ma ra,magam bungli mung grai hprai ra rai,hkra machyi ai lam,hkrat sum lam grai law wa ai re.

Masha a hkum hkrang hta na dawsang shagu gaw shi aten hte shi magam bungli galaw ai re.Dai majaw hkam kaja lam hkan sa mayu ai masha shagu gaw dai lam ni hpe chye tawn da nna sadi sahka nga sa ya na ra nga ai.

Jahpawt 5:00 -7:00 laman Pu Nu tinggyeng bungli galaw ai .Dai   majaw dai aten yup rawt ai hte hka hkru hkru lu na,hkum hkrang jasan jaseng hka sa,kan sa kau na ra ai lam tsun da nga ai.Jahpawt 7:00 - 9:00Am gaw Shat Kan tinggyeng bungli galaw la aten re.Dai aten laman hta Manap shat, malu masha hkru hkru sha bang ya na ra ai.Ndai manap shat hkru hkru sha na mung hkamja lam a matu grai ahkyak ai hta lawm ai re.

Jahpawt hkying  11:00 Am – 1:00 Pm laman gaw salum tinggyeng bungli galaw la aten rai nga ai.Dai majaw,dai aten hta shani  shat lu sha sha ngut ai hpang jahkring mi hkring la nhtawm minutes (20) daram gan myi di yup la na kaja ai aten rai nga ai.

Shana daw hkying 1:0 – 3:00Pm laman hta Pu Shi tinggyeng bungli galaw ai aten rai nga ai,Dai aten laman hta Li ai arung arai hpai ka-aw n-gun grai shadat ai lam sharam ra ai.Shana daw hkying 3:00 – 5:00pm laman  Jit Bawng hkum hkrang ting na gung dat ni hpe shinggan de shaw shapraw kau ai aten rai nga ai.Dai aten laman hta lu hka yawm dik one liter kaw nna tinang dang ai daram hkru hkru lu na.

Shana hkying 7:00 – 9:00Pm Salum sap sanap tinggyeng bungli  galaw ai aten rai nga ai majaw Puba jahkoi ai baw shangwi shapyaw lam, entertainment madat na,mani shachyoi sumla hkrung ni yu na htap htuk nga ai.Shana hkying 9:00  – 11:00 Pm Baw daw,hkum daw,lagaw daw shada matut mahkai bungli grau law galaw ai aten re.Dai aten hta malu masha sha bang ai lam koi na ra ai.

Shana hkying 11:00pm  - 3:00Am sin(liver) tinggyeng bungli galaw aten rai nga ai.Dai majaw Shana hkying 11:00Pm a hpang daw aten hpang hkrat nna yup ze ai,n yup ai sha nga ai hpe koi ra ai.Yup nan yup ra ai aten rai nga ai.

11:00Pm – 1:00Am shagri,hkying  3:00  – 5:00Am  Sinwawp mung tinggyeng bungli galaw la ai aten re majaw hkru hkru yup ya ra ai.Ndai lam ni hpe chye tawn da nna hkan nang hkan sa makawp maga la ga ai rai yang gaw asak galu ngwi pyaw hkam kaja ai akyu hpe teng sha hkam lu na rai nga ga ai re.

Nang kaja wa hkam kaja asak galu mayu ai masha rai yang gaw tinang a hkum hkrang hpe hkamja lam hte bung pre htap htuk ai hku nga ra ai. Galoi mung hkamja nga mayu jang tau nau sadi sahka,makawp maga lam galaw ra ai.Dai gaw machyi makaw ana ahkya byin wa ai shaloi tsi gawn lajang ai hta grau kaja nga ai.

Lamang tang madun ai – Julia Ja Ing