Hkai Sun Hta Dumsu Hkyi Hpe Akyu Shashawn Jai Lang Ai Ladat!!

Dumsu Hkyi Hpe Akyu Rawng Hkra Jai Lang Ladat

Dumsu hkyi gaw Nitrogen dat law law lawm nna hpun a lap ni hpe n gun jaw ai..Ndai dat hpe madung ra ai rai yang nga hkyi madi ai hpe jai lang yang she nga hkyi hta lawm ai Nitrogen dat hpe lu la na re. Madi ai hpe jai lang yang byin wa ai lam gaw hpun a ru hpe kahtet hkru shangun ai hte latung manghkang ni byin wa chye ai.

Hka tsing nna gat jaw ai lam hte ahpa sha gat nna jai lang ai lam, ga hte gayau nna jai lang ai gaw grau tang du ai. Jahkraw jai lang ai rai yang Nirogen dat grai yawm mat chye ai. Raitim Nga hkyi hta lawm ai bacteria ni hpoi san mat ai..latung ana byin ai lam ni n nga mat ai. Kahtet hkru ai lam ni n byin ai.

Nitrogen dat n nga ai daram retim kaga lusha n gun dat ni naw ngam nga ai. Dai zawn sha nga hkyi jahkraw pa hta ga namhpun byin nna ga hpe wawm shangun ai sha n ga na ga kaw nna kaga lu sha n gun dat ni, madi dat ni hpe mung madi shadaw zing hkang lu na rai nga ai.

Nga hkyi hpe hka tsing jai lang ai lam, ga shatsam hte gayau jai lang mai nga ai.

Nga hkyi hpe akyu rawng hkra gara hku jai lang na?

Nga hkyi hpe ladat jaw jaw hte jahting tawn ai ladat

Dam de 11’ grup nga ai hka n ung ai ga shara langai hpe lata ra ai. Dai makau grup hta hka n ung na matu 6”dam ai hka hkawng grup htu da u. Kahtet lum nai ai buga shara hta 2’x10’ n hkun htu nna jai lang mai ai.Dai shara hpe jan ja , marang htu ai kaw na makawp maga lu na matu galup da jaw ra ai.Marang law ai re yang shingnip kaja ai hpun npu hta galaw mai ai.

Dum su ni hkring sa ai Ulawng ga ntsa hta hpun lap jahkraw , maza , yi hku, tsing jahkraw ndai zawn re ai ni hte nep da ya nna shana ten hta dum su ni hpe shayup u.

Dumsu lawng jasan jaseng ai shaloi ga shara ntsa hta 6”daram nga ai lam hku na gat da ya u.T super, nlung hkum yun, ….nga chyu kawk mi daram ahpa sha gat jaw bang yang grau kaja ai. Ndai ladat hte nga hkyi ni hpe shaning ting mahkawng da lu mai ai.Dumsu hkyi sum pung grai law wa yang makau grup hta shing gang ai lam ni galaw jaw na ra nga ai.

Jai lang Ladat

Ladat hte hkrak jahting tawn da ai dumsu hpyi hpe galai njai lang shi yang npu lahta ra hkra gayau jaw u. Acre mi hta dumsu leng (5-10) daram ga gram lajang ten hta bang jai lang nna kaning re ai nsi nai si mung hkai sha mai sai.

Dumsu hkyi ni bang ngut jang kalang ta ga hte ga up jaw na matu ra nga ai. Kaga dat namhpun ni hte rau gayau nna mung mai bang lang ai. Atsawm sha tsam sai dumsu hkyi ni hpe sha mai jai lang ai.

Dumsu hkyi a akyu rawng ai lam

Ladat hte jahting tawn dai ai dumsu hkyi shatsam namhpun hta lawu na dat ni shang lawm nga ai.

Hpun a lusha n gun dat shang lawm ai tsa shadang

Nitrogen 1.4%, Phosphorus 2.1%, Potassium 1.3%, Calcium 2.6%, Magnesium 0.2%,Sulphur 1.6%, Organic Carbon 19.7%,

Akyu Chyeju ni- Hpun a madung lu sha n gun dat ni sha n ga na, Organic Carbon lawm ai majaw ga sau hpe grau kaja shangun nna lawu na akyu chyeju ni hpe lu la na rai nga ai.

-Magyep ai ga hpe wawm shangun ai lam, madi dat hpe atsawm hkang zing lu ai lam , nbung pru shang kaja ai lam, kahtet katsi rap ra shangun ai lam, lu sha n gun dat ni hpe aten galu htuk shapraw jaw ya lu ai lam ni rai nga ai..

By; Elizabeth Seng Lawt Lu