Hkai Nu ( N-gawng ) Hkai Sha Ladat

  Hkai nu hpe npawt n hpang hkai sha wa ai gaw Mexico mung re lam hpe chye lu ai.Hkai nu myu (2) nga ai Uraw sha ai baw hte tum si sha ai baw rai nga ai.Hkainu Uraw sha ai baw hta kaga myuli ni law law naw nga ai zawn hkai nu tum shapraw ai baw hta mung myu li law law nga nga ai.  Hkai nu gaw namhpun ga sau rawng ai,katsi madi lam nga ai shara hta hkai yang grai kaja ai.N lung ga,gahkyeng ga hte hkum tsai ga ni hpe koi ra ai.

   Lamu ga duhkra ladaw- Tum shapraw hkai nu gaw ga kata na lusha n-gun dat grai chyup sha ai nsi nai si rai nga ai.Dai majaw ga sau namhpun kaja ai zaini ga,magyep ai ga,Zai bru ga ni hta pru shadang law chye ai.Sam mung daw hta ga hkyeng,zai bru,zai ni, g ani ,madid at kyem zing da lu nna hka n -ing ai ga ni hta kaja ai.Ga hkri shum dat PH (5-7)laman ra ai marang hka shadang (35-45)” nga n na rap ra shadang hte htu ai gaw grau kaja ai.Hkai nu hpun shata mi daram hta marang grai sawng hkra htu ai nhkrum hkra sadi jaw ra ai.

  Hkai nu hkai na shara ga hpe jau tau htai shawt da nhtawm hkai na ten hta atsawm sha kabun hpwi masit ya ra ai.Ga grai hkraw ai lam hte grain yap madi ai lam nra ai.Hpwi masit ngut ai hpang ga man ra hkra hpwi tawng hte dip shara ya mai ai. Ga galai n gram lajang shi yang Nga hkyi shatsam leng (10-15)duhkra jahkrat jaw ra ai.bum shabyi,kawng ni hta ga lajang ai ten shang hkawp ni hte (2-5)’ gang hka hkawng ni galaw n htawm shingra nga hkyi namhpun ni hkan jahkrat jaw ra ai.

  Uria buk-2,T super buk -2,Potash buk ½ jai lang ra ai.T super hte Potash namhpun hpe ga gram lajang ten hta ga lanep hku na kalang ta bang jaw ra ai.Uria namhpun hpe gaw ga lajang ai ten hta kalang,hpun kaba wa ten hta kalang,nam pan npu shi yang kalang,hkai nu tum lusha n-gun jahpring ya nga ten hta kalang bang jaw ra ai.

  Hkai ai lam- Ginhtawng shaloi htai hkang galaw da ai hkai sun shar ani hta lanam ta ga lajang ai ten hta lanam tum shapraw hkai nu hkai na matu kaja dik rai nga ai.ginhtawng ta hta htai hkang nlu galaw da ai re yang marang tau htai hkang galaw nhtawm madi dat grau lu nna pru shadang kaja ai.Kawng,bum shabyi hkan nahtai nlu galaw yang shang hkawp hte htai hkang atsawm galaw nna hkai yan langai hte langai 2’ jan,hpun langai hte langai 9” gang nna myu nli tum jahkrat jaw ra ai. Hkai ai shaloi kaja ai hkai li tam hkai ra ai.Lam hte Lam dingyang hkai ra ai.Langai hte langai 2’ daram hkran yang kaja nga ai hte namhpun hpe jaw bang ya ra ai.

  May ,June shata ni hta htu ai marang hta hkai da ai hpun ni hpe (14)ya laman aten dep hpun garan jaw ra ai.Hpun pawt de ga shalau jaw na matu ra nna aten dep hpun nlu garan jaw yang pru shadang yawm wa chye nga ai.

  Hpun gawn lajang ai lam – Acre mi hta hkai nu n hpang (17000)jan shang hkra tum (3)daram bang hkai na.Tu wa ai shaloi n greng ntai ai hpun ni hpe la kau ra ai,Hkai nu tu wa ai hte tsing tsan ya na (sh)magang kau ya ra ai,Hka bang ya ra ai.Hka nlu bang ai shara hkan rai yang May,shata 15 kaw na June 30 laman mai hkai nga ai.Marang law ai ginra ni hta nshung ta ni hta hkai sha mai nga ai.

  Hpun langai hta kaja ai hkai nu langai shadang lu na matu hpun asak ladaw n htoi (35-40)laman bawng pawm ai lam n galaw shi yang Uria P-28 hpe nga hkyi shatsam hte gayau nna hkai yan lapran hta jahkrat nna ga pawm ai lam galaw jaw ra ai.

  Du hkrat ai ana zinli ni- Pu yat ana hta shu lamut amyu hpan (4)a majaw rai nga ai.duhkra ladaw madi ,sa-up ai ,marang law hka ung yang byin chye ai.Hkai nu hpyi kata shu lamut ni hkrat n na hkai nu hpyi ni n kya ai sha ja kat wa ai.tum hta shu lamut mut wa ai.Bai na lap hkraw ana sawng yang hpun mat yat ana bai byin chye ai.Lap hkraw ana gaw ga kaw na ai htan nbung kaw na lawm w anna hkai nu hpun ni de du hkrat ai lam re nga ai.Dai re majaw ga,n-bung,hka,hta lawm wa ai shu lamut an ani hpe hkai nu hkai ai bug ani hta ana dang hkam ai gay au hkai nu ni hpe hkai u.byin wa jang ana zinli n-nan byin wa ai hpe chye yang ana kap ai daw shan hpe la kau jaw ra ai.

  Makawp maga ai lam- Hkai nu hpun nhtoi (45)ya ten hta lap sha latung hte pawng achyaw ai latung ni du hkrat chye ai.Dai latung ni hpe Di miti yun,sumi ti yun,latung sat tsi ni hte makawp maga lu ai.Hkai nu ni htoi n sam byin w anna hkai nu hkinlang hta mang ai nsam n byin shi ten (10) ya daram hta hpun lapran hta nga ai tsing ni hpe tsing sat tsi gat nna shamyit kau ya ra ai.

  Dan la ai lam-tum shapraw hkai nu lap htoi nsam byin w anna pu hkin lang hta mang ai lam byin wa yang dan la ra ai.Dai ten hta tum kata madid at (25-35)% daram nga chye nna hkai nu hpyi hpe kalang ta gawng kau nna nhtoi (5-7) ya daram jan lam jaw u.Tum sharun ngut jang Jan kalang bai kahtap lam y anna ja san jaw ra ai.Myu nli tum hku tawn da na nga yang myu nli tum kilo mi hpe Ho mai shau lamut sat tsi kilo mi hte gayau da nna buri hta jahting da mai sai..