Hka Yak Hkak Ai Mang Hkang

San seng ai lu hka gaw shinggyim masha asak a matu n nga n mai ra ahkyak dik ai hte ga hkarang na dusat hte hka kata na hkrung mahkrung yawng hpe asak jaw na matu madung ahkyak dik ai rai nga ai.Hka san hka kaja hpe hkam kaja lam a matu,hkai sun hte jak rung ni a matu ra kadawn nga ai.Lai wa sai ten ni hta hka hpe ra ai daram lu la nga ga ai rai tim,ya ten hta gaw shara law law hta hka lu mai na matu lajang galaw ya tim,dai kaw nna shapraw ya ai madang hta grau nna ra kadawn nga ai majaw hka mang hkang ten kadun ten galu law law byin ai hpe hkam ra na ga ai.Shawng de hka ra ai daram law law garan jaw lu ai hpe shabyin nga lu ai mare muklum kaba ni hta chyinghkring hkring hka n law ai mang hkang hkrum ra nga sai gaw anhte yawng mu mada lu ai hte maren rai nga ai.Shara nkau mi hta hka shi ni hkyet hkraw mat sai re.

Hka taw ai tsinyam hpe anhte a Myanmar mungdan shara nkau mi hkan byin nga ga ai zawn Africa mungdan kaw grau hkrum nga ma ai.Dai mungdan kaw masha law law a matu lu hka san lu lu ai lam n byin ai shing nrai,hkraw hkun nna hka hkyet ai majaw,hkai sun magam hta dingbai dingna byin hkrum ma ai.Dai hte maren kaga mungdan ni hta hka n hpaw n ya lu ai shara ni nga ai zawn hka taw ai dam hkam sha nga ai shara ni hpe mung mu mada ga ai.Ndai zawn byin wa ai lam ni gaw anhte a hpu nau na ni nkau mi ya ta tut hta hkrum sha ra nga ma ai zawn anhte nang ngai hta mung ndai zawn sha duhkra galai shai taw ai rai yang htawm hpang de lani mi na aten hta hka manghkang hpe hkrum sha ra wa na gaw teng sha rai na re.

Wa Sarabyin Francis A Matsun Laika - Laudato Si