Gala Nampan Hte Latung Sat Tsi Galaw Jai Lang Ai Ladat

Latung sat tsi hku na gala nam pan (chit ti pan) hpe gara hku jai lang na Lam

 Ndai gala nampan gaw tsawm ai sha n-ga nsi nai si ni hkai ai shaloi du hkrat jahten chye ai latung ni hpe mung makawp maga lu ai atsam nga ai majaw gala nampan hpe latung sat tsi hku na jai lang mai ai ladat ni hpe bai kahtap gam garan ya na n ngai.

 Shawng n-nan gala nampan hkan masum,majap chyamin tawng 10,Hka gallon (4)lajang da nna gala nampan hpun ting hkan 30,hpe hkak mania dup da ai majap tawng 10 hte gayau shalau n na hka gallon 4 hta hkying hkum 24 na hkra tsing da n htawm,jai lang mai ai.Jai lang na mahka hta sumpan ahpa sha re ai hte hka jen la nna sapya ntsin kachyi mi hte gayau nna gat hprim yam ai sai.

 Kaga ladat langai mi hku nag aw gala nampan lap hkan 60,bahkri si lap hkan 60,hka gallon 4 lajang da nna gala lap bahkri lap ni hpe shawng adup mani da nna hka gallon mi hta shawng tsing da u.dai hpang sumpan ahpa sha hte jen la nna hka gallon 4 hte gayau nna mai jai lang sai.Lap sha  dinggram,pya po latung hte Nawkyu si achyaw ai latung hpe dang dang ning hkap makawp maga lu ai rai nga ai.

 Bai ladat langai mi gaw gala nampan lap,majap chyamin ,shakau hpraw,shakau hkyeng,n dai ni hpe maren mara shadang hte gayau rin nna hka hta lana mi tsing da jaw n htawm sumpan ahpa sha hte jen la nna bat mi hta kalang yangyi hpun ni hpe gat jaw ai a marang e yang yi hpun ni hta duhkrat chye ai latung an ani hpe makawp maga shamyit lu mai ai.Yangyi hpun asak ladaw ting (8-10) lang gat hprim jaw mai nga ai.

Source ; Dat jasat latung sat tsi san seng ai nsi nai si htuk shapraw lam (Mg.Htay An’)

Shingra lap gat namhpun hpe htum gumhpraw yawm nna loi ai ladat hte gara hku gayau jai lang na ngu ai lam

“hpun a lusha gaw hpun re”ngu ai ga malai nga ai hte maren hpun kaw na lu ai lusha n-gun ni sha hpun a matu hpring zup ai lusha rai nga ai.tinang a makau grup yin hta nsi nai si hkai sun,namsi lusha hpun ni a matu lusha n-gun dat bai jahpring ya lu ai shingra kaw na jaw ai ja lung seng law law nga nga ai.shaw jai lang na sha ra ai.Jahpawt jau jau lam rawt hkawm ai ten plastic ..hpai nna n tsin hpring nna yat tsam loi ai hpun a makru lap hkalung ni hpe di na bang u.nta du ai hte mi di wa ai lap ni hpe shingnip npu hta lani mi daram nbung sha shawn da u.kyip mat ai lap makru ni hpe Joi mi shen u.

 Dai hpang Chyan taga hkan 50,(sh)Joi mi hpe shamun nna lap ni hte gayau u.ngut jang dai gayau da sai ni hpe Pat soi (sh) yam bu hta jahting da u.Nhtoi (10) daram na wa ai hte tsit mang nsam re ntsin ni pru wan a ra ai.

 Dai ntsin hta e hpun hta ra ai n-gun lusha dat ni mung l una rai nga ai.dai tsit ai ntsin hpe kaga Konpong namhpun ,lap gat namhpun hte gayau jai lang mai ai majaw nsi nai si hpun ni hta lusha n-gun dat hkum hkum zup zup lu la na rai nga ai.Loi ai hku tsun ga nga yang jam mani zawn re ni hpe hpung ting hpe dan nna hka tsing chya yat da ra ai.N htoi na wa ai hte ntsin ni hpe namhpun ntsin hku na jai lang mai ai.ndai ladat gaw kaji kajaw sha ra ai lusha n-gun Ahara dat yawng hpe lu mai ai loi dik ladat langai rai nga ai..

By; Elizabetn Seng Lawt Lu