Dinghku masha shagu hpe, dinghku kaw nna, hpa galaw ya a ta? ( Cathechism )

Dinghku masha shagu hpe, dinghku kaw nna, hpa galaw ya a ta?

Shinggyim masha langai a matu, dinghku prat hpe hkam sha ai gaw, grai ahkyak ai, Masha langai shangai wa nna kung kaba wa na matu, dinghku gaw sut dik ai shara re, Dinghku hta e shawng nna, kaga masha ni hte kahkyin gumdin ai lam hkam sha lu ai, Dinghku masha ni gaw, kaja ai lam myit ya ai, ndut ndang tsawra nna, hkungga ai, Dai zawn re ai masa hta dinghku masha shagu gaw, prat hta kaning re ai lam ni pru wa tim, dai hpe hkang lu na matu atsam hte, n gun lu la ai, Ndai gaw, hkristan ningmu a npawt nhpang yaw shada ai hpaji lam re, Dai hte maren, dinghku masha ni gaw, dinghku kata e lit la ra ai, hpa majaw nga yang dinghku masha ni gaw tinang a matu sha, sak n hkrung lu ai, shingrai, lit mgam shagu - kanu kawa ni, kaji kawoi ni kashu kasha ni yawng gaw, shanhte hte seng ai lit magam lu ai, nta masha marai shagu a ntsa e mung shada lit la ya ra ai