Dinggai Wa Tim Nu A Kasha Re

Kaji ten kaw nna Nu Maria hte Madu Yesu hpe grai tsawra chye ai Sarama Lucia Maran Htoi Lu gaw asak ( 45 ) ning hta Cancer mawng ana byin ai majaw shata ( 6 ) shata sha hkam sana re ngu Sarawun ni tsun ai raitim daini asak ( 68 ) ning du hkra asak hkrung lu ai majaw Nu Maria hpe grai chyeju dum ai lam sakse tsun dan ai . Tsi hpe 5 ning e shata 8 du hkra hpun ru tsi ni hpe lu lai wa ai. Ya ngai hta hpa mung n hkam sha ai. Hkam kaja nna asak hkrung nga lu ai.  Ngai gaw dinggai wa tim Nu A Kasha re. 

Nu Maria gaw ngai hpe sha hkye la ai nre, ngai na matu sha hpyi htinglu hitnglai ya ai nre, Mungkan masha yawng a matu shi hpyi hitnglu htinglai ya ai, yawng hkra hpe grai tsawra ai kanu re, Nu gaw yawng hkra hpe pawn ba tawn da ai. Awe Maria chyeju hte hpring ai nga sai kaw na gaw mahkra dik mat sai lam re ngu hkam sha ai. Dai re majaw Nu hta galoi mung kam hpa let Madu Yesu hta e anhte noi nna sak hkrung hkawm sa ai rai yang lam shagu hta myitru myit tsang nga ai raitim shi hte shi mahkra bai hkoi mat wa nna grai pyaw ai aten ahkying ni hpe simsa ai aten ahkying ni hpe lu la ai nga nna sakse hkam tsun dan lai wa ai.