Corona Virus (Covid -19) Ana A Majaw Matut Byin Chye Ai Ana Ahkya Ni

Coronavirus ana kap hkrum ai masha ni hta mai tsai mat ai hpang raitim matut nna byin chye ai,hkam sha ra chye ai ana ahkya  ni hte seng nna Mungkan hkamja hpung WHO ndau shana da ai hpe Myanmar Mung hkamja lam hte ginsup lam hkring mang dap kaw nna mung  tsun sadi jaw da nga ai.

 Salum lasa shan ni hta hkra machyi htenza nna salum atsawm rai bungli nlu galaw ai lam aten na na byin chye ai hte salum ana amyu myu hkam sha ra wa chye ai.

 Sinwawp kata kaw nga ai nbung shabawng majaw ni hten za mat nna sinwawp hta ningma ngam taw chye ai hte dai hte matut manoi rai nsa sa yak ai hte nsa sa lam hte seng ai ana amyu myu byin wa chye ai.

Asak naw kaji ai masha ni hta pyi bawnu hte maju lasa hpe hkra machyi shangun chye nna hkum katsing si ana,lasa shan si ai ana hte lagaw lata gari ai ana,matsing nyan yawm mat ai ana ni grau byin wa chye ai

Hkum hkrang hta nga ai sai lam lasa kata ni hta sai pa magyep ai lam ni byin nna bawnu sai pa magyep mat ai,salum sai lam pat ai,lagaw sai dat lam pat ai lam ni byin chye ai sha n-ga sin hte sade ana ni byin wa chye ai.

Corona Virus ana kanu tsai mat nna bai hkamja wa ai rai tim pyi aten na na tsi tsi hkam la ra ai majaw myit kaji ai,myit daw ai,myit tsang ai lam zawn re ai myit hte seng ai lam ni hkam sha chye nga ai.

Asak kaba sai gumgai dingla ni hte jitdwi ana zawn re ai aten galu byin ai chyi jung ana lu ai masha ni hta rai yang grai ba ai,jahkru ai,nsa sa yak ai,baw machyi ai,lami laman katsut machyi ai ana kumla ni hpe kaga masha ni htan grau sawng ai hku hkam sha ra chye ai.

Kaga ya aten du hkra garai n sawk sagawn lu ai machyi ana ni mung hkam sha ra chye ai lam tsun da nga ai

Source - Ministry of Health and Sports,Myanmar

By - Julia Ja Ing