Byili Si Hta Na Lu La Mai Ai Hkamja Lam Akyu Ni

(1)Byili n gang hpyi hpe htu mani jahkraw la nna shanam,lagat ntsin hte gayau nna lu ya ai rai yang sinda chyat,sahti ana,jahkru ai ana ni hpe shamai ya lu ai.(2)Byili hpyi htu mani da ai hpe sha hka hpun lum hte nar yi hkum (2) daram na hkra tsing tawn ai hpang jen la nna shana lu ya ya di ai rai yang kraw galau, nam pum pum ai hpe shamai ya lu ai.

(3)Byili n gang hpyi hpe hka tsing tawn nna dai hka hte n-gup krang garu ya ai rai yang n-gup,nten hkraw nna ga kahpraw machyi ai ana hpe shamai ya lu ai.

(4)Kanu num ni ma shangai ngut ai hpang mangut machyi ai,baw chyen machyi byin ai rai yang byili n gang hpyi hpe tsi shatai sung lang mai nga ai.

(5) Byili n gang hpun ru a hpyi hpe hkri hkraw lamyi laman machyi ana,kan bum,kan machyi ai ana ni byin ai shaloi tsi shatai sung lang ya mai ai.

(6)Byili lap hpe shup nna lu ya ai rai yang ka ni nang ai hpe shabran ya lu ai.

(7) Byili n gang lap hpe shadu kaprawng nna sha ya ai rai yang kan a matu kaja nna,na wu,na machyi ai hpe shamai ya lu ai.

(8)Byili n gang si hpe shadu nna rai rai,ju nna rai rai sha ya ai gaw nam pum pum ai,du bawng ai,jahkye shaw ai ana ni hpe shamai ya lu ai.

(9) Byili n gang si hpe u shan hte shadu sha yang sinda chyat ana shamai ya lu ai.

(10)Byili n gang si hpe nga chyang hte shadu sha yang htawk dang ana mai tsai lu ai,n gun byin ai hte kraw galau ai,kan machyi kan hten ai ana hpe shamai ya lu ai.

(11) Byili  n gang ru hpe garang chya yang ningma shanam ai hpe lawan ai hku shamai ya lu ai.

(12)Byili n gang hpyi hte ru ni hpe garang chya ya yang hkum katsing si ana byin ai,sai,nbung atsawm nhkawm sa mat ai hte hpawm kahpram machyi ana ni mai tsai lu ai.

(13)Byili n gang hpyi hte shanam jahkraw hpe maren bang,nam htan or nam oi hpe htam lahkawng bang nna gumdin kaji ji rai tarin tawn da u.Dai hpe kanu num ni ma shangai ngut ai hpang nhtoi 5/6 ya dang jahpawt shana lu ya ai rai yang kan htingpa machyi,mangut machyi ai hpe grai mai shangun lu nga ai.

(14)Byili hpyi hpe htu mani hkangun la nna shanam ntsin,lagat ntsin hte gayau nna sha ya ai rai yang sinda chyat,jahkru ana mai tsai lu ai .