Bungli Hte Magam Awng Dang Ai Gaw, Shinggyim Masha a Jet Ai Bandung Hte Gara Hku Seng A Ta?

Bungli Hte Magam Awng Dang Ai Gaw, Shinggyim Masha a Jet Ai Bandung Hte Gara Hku Seng A Ta?

Bungli gaw asak a adaw achyen re, raitim, dai gaw asak nre, Ndai hpe garan ginhka chye na gaw ahkyak ai. Dai ni na ten hta bawngring sai mungdan ni, lu su nga mai sai mungdan ni, bungli a matu sha asak hkrung nga ai ni law law nga ai. Bungli gaw shanhte a matu yin rai mat sai, dai majaw shanhte hpe bungli law hpa ai masha ni ngu ma ai

Ndai hku bungli  a mayam ntai na matu, Yesu sadi jaw ai, Shyinggyim masha a bandung gaw gumhpraw mahkawng sumpum na matu nre, mying danhkung na matu mung nre, raitim akyu hpyi, nawku dawjau let, htingbu wa hpe tsaw ra nna, Karai Kasang hte htani htana asak hkrung na matu re, Ndai hku mahsa a bungli gaw bandung a lawe e nga ai hpe Hkristan sak hkrung lam ngu ai re, Raitim, bungli gaw bandung rai mat nna, shinggyim masha sak hkrung lam hpe shingnip kau jang, bungli hpe ladu shalai ai lam tai mat ai, Raitim, masha law law gaw, dinghku hpe bau na matu bungli law law galaw shakut nga ma ai, Dai gaw dinghku hpe bau na matu re majaw, Karai Kasang a shaman chyeju hte galaw nga ma ai re