Bainam Hkyi Hte Lap Gat Namhpun Galaw Jai Lang Ai Ladat

   Bainam hkyi gaw mahkawng la loi nhtawm sama n nga,n manam  ai nga hkyi,gumra hkyi ni zawn hpun hpe nhkru shangun ai sha nsi nai si hkai shapraw na gara ga amyu hpan hta n nga bang jai lang mai ai.Nampan hkai sun,mam,shapre,hkai sun ni hte namsi sun ni hta bang jaw ai hku na ga a n-gun a tsam,dat n -gun atsam ni hpe rawt jat galai shai shangun ai.Hpun ni hpe kaja ja kat nna pru shadang law shangun ai.

  Bainam hkyi hta hpun a matu ra ai lu sha n -gun dat Ahra dat ni lawm nna bainam jit hte kapyawn lang yang Nitrogen hpe grau na jahpring ya jaw lu ai.Bainam hkyi hta sama n nga nna Latung ni n nga nhtawm Ga hkri shum dat hpe mung thing hkang lu mai ai.bainam hkyi hpe nam law namlap hkai sun hte nampan hkai sun ni hta kalang ta jahkrat bang mai ai.bai Kumgin si hpun kaji ni a matu gaw nau kahtep yang n kaja ai.

  Ga hpri shawt nga ai ten hta bang jaw yang Ga kata nbung pru shang kaja ai sha n-ga ga namhpun hpe kaja shangun ai.

  Bainam hkyi hpe ga shatsam sumpung galaw na rai yang tsing katsing,jahkraw ni hpe shabawn da ngut ai hte namlap,yi hku,shat gawk kaw na kabai kau ai rai ni,Udi kawp ndai ni hte gayau nna madi dat loi nga hkra hka hprim nna gayau shalau sumpung da jaw u.Sumpung kaji yang grau na ga shatsam byin lawan / loi ai.

  Manga ya hta kalang ram n-pu ntsa shalau galam ya u.Atsawm sha yat tsam taw ai bainam hkyi ga shatsam gaw ga hpe lu sha n-gun dat ni jahpring ya ai majaw shingra ladat hte hpun ni kaba kaja nhtawm pru shadang hpe mung law shangun ai. Bainam hkyi hpe ga magap hku na jai lang mai nga ai.Namsi sun ni hta bainam hkyi namhpun bang jaw yang shingra dan a majaw galai nmyin shi yang asi run hkrat ai lam hpe 50%du hkra yawm shangun lu ai.

Bainam hkyi lap gat n-gun tsi galaw ai hta jai lang ai rai ni-

Bainam hkyi lana mi hka tsing da ai -joi 3 ,Shapre hkang tsit lana mi hka tsing da ai – joi mi,Bainam jit -liter 3.bainam ,dumsu jahkri – liter 2,Bainam chyu -liter 2,kumshu ntsin – liter 3.Ma-un si ntsin -liter 3,namhtan ntsin – liter 2.langu si chyamyin tawng -12 ndai ni ra ai.

Galaw ai ladat-  mahka kaba nna magap lawm ai plastic pung ra ai.dan ndi ni nmai lang ai.

   Shawng nnan bainam hkyi hte bainam jit hpe pung kata bang shalau nhtawm rai amyu hpan  langai hkra hpe bang gayau ai lam galaw u.lani mi hta lahkawng lang nbung hkra shalau jaw ra ai.Sumpan ahpa sha hte ga-up nna shingnip hta tawn da u.nhtoi (14)ya na jang mai jai lang sai.Lani mi lahkawng lang shalau jaw nhtawm hka loi hkyet wa jang hka jahkut hte (sh)Ma-un si katsing ntsin bai bang jaw ai hku na hkraw wa ai ten du hkra mai jang lang ai.

Jai lang mai ai ladat – Hka jen hte jen la ra ai.tsi htam mi hte hka htam 50 shadang hte gat hprim ya mai ai.Gallon 4 shang ai tsi gat pung langai hpe CC 360 bang u.Jahpawt (sh)Shana maga gat ya mai ai.Lakung laking ni n -nan kapran hkrat wa ai ten,nampan pu ten hte asi n -nan si wa ai ten ni hta gat jaw yang pru shadang grau grau na law wa ai hpe mu lu na ra ai.Hpun kaba wa lam hpe n-gun jaw nna tsit nsam hpe htoi shangun ai.Lakung hkrat bram ai lam,lap n-nan pru ai lam,nampan pu ai hte si si shangun nga ai.

Tsawra ai shiga madat Nu Wa Hpu Nau ni,ya sha lahta de tsun lai wa sai ladat ni gaw galaw jai lang ai lam hta loi ai rai nna kaja wa nan masan sa tang du ai hpun a n-gun tsi re majaw ndai ladat hte galaw jai lang ai hku na nsi nai si ni law law pru  lu na hpe myit mada let garan gachyan gam garan ya dat let lamang hpe ndai kaw jahkring sai rai…