Aten Na Na Nampan Pu Tsawm Lu Ai Ladat

Nampan ni pu tsawm lu na matu dum nta hta jai lang ai rai ni hpe aloi ali gara hku gara hku galaw lang ra ai Lam

 Tsawra ai shiga  madat Nu Wa Hpu Nau ni ndai lamang hta gaw Namhpan hkai ai shaloi namhpan ni pu tsawm lu na matu dum nta hta jai lang nga ai arai ni hte aloi ali gara hku galaw jai lang mai nga ai lam hpe internet laikan man hta na mu hti lu ai hpe gam garan ya na n ngai.

 1.Udi kawp – Udi kawp hta nampan pu a matu ra ai Calcium hte Phosphoric acid bai na Nitrogen ni lawm nna hpun hpe mung n-gun nga shangun ai.Udi kawp hpe hkum yun mani kau nna jai lang mai ai zawn ntsin hku nna mung jai lang mai nga ai..Tsi ntsin la ai lam gaw Udi kawp manga daram hpe adup mani nna Hka litre mi hte kapyawng ai.dai ngut jang Hka gallon mi hte bai gayau lang ai.Tsi n-tsin grau na nam chyim kaja shangun mayu yang lana mi tup manat da nna hpang shani hta she jai lang jaw u.

 2. Langu si hpyi – Langu si hpyi ni hpe jahkraw lam da nhtawm hkak  mani ai rai rai,blender rin jak the rai rai galaw la mai ai.madi ai nlang ai sha jahkraw lam la nna lang yang kaja ai.madi nga ai ten yawga ana ni,shu lamut ni mut wa chye ai.Langu si jahkraw hta hpun a matu ra ai Potassium,Potash,Phoshporous,Nitrogen,hte Magnesium dat ni lawm ai majaw hpun,apu hte aru ni duhkra yawng hpe n-gun kaja shangun ai.Ana yaw ga hpe mung dang hkang shangun lu ai.Langu jahkraw hkum yun ni hpe gaw hpun pawt ni hta gat ya nna slow release fertilizer hku na jai lang mai ai.Tsi ntsin hku na gat ya mayu yang Udi kawp kapyawng ai ten hta Lata lachyup mi daram bang nna kapyawng jaw u.

 3. Nga Chyu – Nga chyu gaw lu sha n-gun Ahara dat alaw ahtam lu ai rai nga ai.Shan dat ni hpring ai sha n-ga Calcium dat mung lawm nna apu hpe kaja shangun ai.Bai na Nga chyu kaw na hkri ai de galai wa ai ndai mung akyu rawng ai .Hpun hta du hkrat ai ana latung ni hpe dang manga’kau kau lu ai.Hka hte gayau jai lang yang Nga Chyu htam mi,Hka htam 4,gayau jaw u.Htum gumhpraw hkyam sa ai hku na Nga Chyu htam mi hta Hka htam 8 bang nna mung mai gayau lang ai.

 Ndai lam ni gaw dum nta hta aloi sha nga ai asi apu ni a n-gun tsi rai nga ai.Nga chyu hta lai nna ngam ai ni gaw htum gumhpraw nma ra ai tsi ladat rai nna jai lang ai hta loi nna hkrak ai.Bai na nawku tawn hta nampan tawn ai rai rai,shaku ntsa hta tawn ai rai tim na na tawn da hkam na matu tsi ladat hpe mung matut na gam garan ya mayu n ngai.

Nampan hpe aten na na hkam hkra tawn da ai ladat

1.Jum dwi  chyaw kaji mi

2.Nsam shaprai tsi chyaw kaji mi

3.tam paya ntsin chyaw kaji mi

4.Hka litre mi

 Ndai rai ni gayau da ai tsi ntsin kata nampan htu jaw nna aten na na hkam hkra tawn da mai ai.Tinang jai lang na ninghkik hta madung nna htuk manu ai hku galaw la mai ai.

By; Elizabeth Seng Lawt Lu