Manmaw Saradaw Sasana Na Hlaing jau ginwang, Na Hlaing mare hta San Michael Poi hte Jubali Poi galaw lai wa sai shiga !
Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Shiga
Thursday, October 04, 2018
2018 ning San Luka hpe shagrau ai poi masat hpe Shatapru Jau ginwang Kawa La Hpung ni a Gawdin ginsup shing jawng poi hpe ( 03 October 2018 ) bat masum ya shani 3:30pm ten kaw nna Nawng Nang Gawdin ginsup pa hta Ma Yesu Lawk hte PLN sara aseng ni ginsup hpang taw sai lam chye lu ai.
Ndai ginsup shing jawng poi Shatapru jau ginwang Sara aseng ( 10 ) shang lawm ginsup mat wa na rai nga ai. Final hpe gaw du wa na November praw langai shani 2:00pm aten hta Ning Gang kashun mat na rai re ai lam chye lu ai.
Saturday, September 29, 2018
Miwa Mungdan hte Vatican lapran myit hkrum lam lu na matu ra sharawng lai wa ai lam Baltic Mungdan de gawan ai hkrun lam kaw nna bai wa ai shaloi n bungli n tsa kaw shiga la ai masha ni hpe Wa Sarabyin tsun dat ai shiga.
Saturday, September 29, 2018
Baltic Mungdan ni rai nga ai Estonia, Latvia Mungdan ni de sa du gawan ai mahkrum madup ni hpe Wa Sarabyin tsun hti dan ai lam galaw lai wa ai shiga.
Saturday, September 22, 2018
France Mungdan La Salette Bum hta Nu Maria Dan Pru ai shaning (172) ning hpring chye ju shakawn akyu hpyi hpawng hpe Dapkawng Htoi San Lawk na La Salette Ma Ma jawng wang kaw September 19 ya shani galaw lai wa sai re.
Jinghpaw Mungdaw na La Salette Ma Ma Hpung ni a lam hte seng nna Lit hkam Ma Ma Mary Hka Raw hte RVA san htai galaw da ga ai.
- La Salette Ma Ma Hpung hpaw hpang wa ai lam,
- Myitkyina Sasana Ginwang hta La Salette Ma Ma Hpung ni galaw nga ai magam bungli ni
- La Salette Ma Ma tai na matu ra ahkyak ai lam ni hpe madat la lu na re.
Thursday, September 20, 2018
Sasana sa galaw nga ai Italian Jau Pierluigi Maccalli, Nigeria Mungdan Burkina Faso jarit Makau hta Jihadists ngu ai Islamist hpyen hpung ni a rim zing mat wa ai hkrum nga ai majaw Italty Mungdan maigan hkring mang rung kaw nna mabyin hpe sawk sagawn ai lam galaw nga ai re, nga ai.
Ndai gaw dai ni laman sinna Africa Mungdan hta Europa shan hpraw masha lahkawg ngu na zim zing hkrum ai lam rai nga ai, nga nna mung Nigeria Mungdan asuya kaw nna tsun dat nga ma ai. Sept 18 nhtoi hte ka da ai shiga hta ndai Jau gara shani rim zing hkrum ai ngu ai nhtoi hpe gaw nshalawm da nga ai.
Thursday, September 20, 2018
September 14 Wudang shagrau poi hpe myit dum shagrau ai masat hku nna lai wa sai laban shani San Peter pa kaba hte shani ka-ang Angelus akyu hpyi na matu du hpawng nga ai shawa hpawng hpe Wudang kaji langai hpra gam garan jaw ai lam Wa Sarabyin Francis galaw lai wa ai.
Udang gaw, Madu Yesu hta anhte hpe asak jaw ya ai Kawa Karai Kasang a tsawra ai kum la rai nga ai, nga nna tsun let Wudang kaji langai hpra hpe Wa Sarabyin garan jaw lai wa ai re, nga ai.
Thursday, September 20, 2018
Myitkyina Saradaw Ginwang Catholic Nawku Hpung kaw nna shaning shagu galaw nga ai Alam Bum Wudang shagrau poi hpe 2018 ning September shata ( 13 - 15 ) ya shani du hkra masum ya tup galaw lai wa sai rai nna ,(35 ) lang ngu na Alam Bum "Wudang Shagrau poi hta akyu hpyi sa du ai masha sen mi jan re ai lam poi shabyin shatai committee ni maram da lu ai hku nna chye lu ai.
Shiga tang madun shana ya ai - Julia Ndawng Ja Ing
Monday, September 17, 2018
Manmaw Saradaw Ginwang,Momawk Jau Aseng, Deng 17 Goi Kahtawng Mare na Wudang Shagrau Poi hpe , 2018 September shata 15 ya shani awng dang ai hte galaw la lu sai.
Sunday, September 16, 2018
2018 September Shata 13-15 ya laman galaw ai Alam Wudang Shagrau Poi hta sa du akyu hpyi sa lawm ai Hpung Masha hku nna,shan hte mu mada hkam sha ai lam , yaw shada ai lam ni hpe tsun dan lai wa ma ai.
Subscribe
Sign up to our newsletter and get latest news and updates straight to your inbox!
Download RVA App
