Shani ka-ang Angelus akyu hpyi sa lawm ai ni hpe Wa Sarabyin kaw nna Wudang sum la kum hpa garan jaw dat ai shiga

September 14 Wudang shagrau poi hpe myit dum shagrau ai masat hku nna lai wa sai laban shani San Peter pa kaba hte shani ka-ang Angelus akyu hpyi na matu du hpawng nga ai shawa hpawng hpe Wudang kaji langai hpra gam garan jaw ai lam Wa Sarabyin Francis galaw lai wa ai.

Udang gaw, Madu Yesu hta anhte hpe asak jaw ya ai Kawa Karai Kasang a tsawra ai kum la rai nga ai, nga nna tsun let Wudang kaji langai hpra hpe Wa Sarabyin garan jaw lai wa ai re, nga ai. 

English, Italian hte Spanish ga ni hte ka da ai akyu hpyi ga laika pa mung lawm re ai udang laji 40,000 darm hpe, shani ka-ang Angelus akyu hpyi sa lawm ai ni hpe Wa Sarabyin Francis gam garn jaw lai wa ai rai nga ai.

Ndai Wudang kaji ni hpe gam garan jaw na matu lajang nga ai aten Wa Sarabyin tsun ai hta, “Wudang gaw, Madu Yesu hta anhte hpe asak jaw ya ai Kawa Karai kasang a tsawra ai kum la rai nga ai, ndai Wudang ni hpe hkap la na matu saw shaga mayu ai, nanhte a dum nta ni hte wat tawn da mu, ma kaji ni a gawk ni hta, shing n-rai asak u-gut gu sai kaji kawoi ni a gawk ni hta wa tawn da ga, Wudang ngu ai gaw shatsawm da hpa shakya arung arai nrai, akyu hpyi sum ru yu ai lam ni galaw na makam masham hte seng ai kum la rai she rai nga ai, udang hpe sharawt mada yu ai, ngu ai gaw anhte a hkye hkrang la ai lam hpe sharawt azi yu ai lam nan rai nga ai” nga nna wa sarabyin tsun lai wa ai lam, Vatican shiga dap kaw nna shana dat nga ai.