Shiga

Wa Sarabyin Francis kawn Sudan hte Mozambique dingda kaw na Catholic sasana wan hta hkru ai zawn byin mat ai hpe mungkan ting hte seng ai Ningbaw ni hpe lawan ai hku simsa lam hpe lu na matu galaw ya na hpe aja awa tsun garum hpyi lai wa ai.

“Majan ngu ai byin sai kawn mung masha ni hpe lit shali ai hte myit ba shangun ai, akyu n rawng  ai hpe byin shangun ai, htenza ai, masha si hkrum ai ndai zawn lam ni sha byin shangun ai hte manghkang hpe galoi mung hparan ya nlu ai” rai nga ai.

Ginrun (23) Hkungran Sakramentu Hkam La

Myitkyina Jau ginwang, Myitkyina San Columban Cathedral Nawku Jawng hta 12.2.2024 ya shani hkying 9: 00AM ten Myitkyina jau ginwang, Shadau jau ginwang hte Edin Jau Ginwang kata kaw shanu nga ai hpung masha ni hta na lam amyu myu a majaw Hkungran Sakramentu chyeju nhkam la ai sha, kun dinghku de nga ai ginrun (23) hpe kaja ai Hkristan dinghku byin tai wa na matu hkungran sakramentu jaw ai ginlung hkungran poi hpe galaw la lu sai.

Myitkyina Karuna Rung (KMSS) hku nna Trauma Healing a matu Counseling ngu ai, Myit hkam kaja lam hte seng nna, myit hpe tsi tsi ya ai Counseling ngu ai hpe galaw mat wa na re ai lam kabu mai ai shiga shana ya na ga ai.

Anhte shingyim masha ni gaw, tingnang a sak hkrung lam shani shagu hta e, myit simsa ai lam myit npyaw hpa lam ni, shani shagu hkrum sha taw ai ni rai nga ga ai. Ga shadawn dinghku hta nngwi npyaw ai aten galu byin ai zawn re ai ni, kanu kawa ni hku nna mayak lam a myu myu (ja gumhpraw, hkam kaja lam) ni a majaw hka garan mat ai ten hta, kanu kawa ni hku nna ti nang a kashu kasha ni hpe gara hku sharin shaga na, mahkrun nmu taw ai aten hkan e, kanu kawa sha n’ga, kashu kasha ni mung myit hkam ja lam hta hkra machyi wa chye ai rai nga ai.

November Praw (2) Ya Shani Si Mat Sai Ni Yawng A Matu Myitdum Akyu Hpyi Ya Ai Poi Galaw Na Lam

Du na November Praw 2 ya shani galaw na, n nga mat sai Wenyi ni a matu akyu hpyi ya ai nhtoi ( All Souls Day ) shani na Missa Hkungga hpe Myitkyina Sasana a ginjaw lupwa rai nga ai Rada kawng hta Missa Hkungga ( 2 ) lang nga na lam, Jahpawt 8;00 am hta kalang, shana daw hkying ( 2:00 ) pm hta kalang Missa Hkungga nga na re lam saw shaga shana ya dat lu ga ai.