Shiga

Tuesday, December 11, 2018

10 Dec 2018, Myitkyina.

Jinghpaw Mung de Sasana sa Galaw ai Columban Jau Wuhpung a Ningbaw ningnan (Superior General of the Missionary Society of St Columban) rai nga ai Wajau Tim Mulroy dai na de Myitkyina Sasana de sa du wa ra ai.

Du Sa Wa ai Wajau hpe Sagu Rem wa Wa Saradaw Francis Daw Tang, Wa Saradaw Kaba Paul Zinghtung Grawng hte ya ten Myitkyina Sasana kaw magam gun nga ai Columban sasana hpung ni, Wa Jau Ma Ma ni,Ginjaw Mungbawng Salang ni,Ginjaw Num Hpung Ninbaw ni hku nna Wunpung Htunghking hte hkap tau hkalum la sai.

Sunday, December 09, 2018

Jinghpaw Mungdaw kata hta ya ten byin nga ai Mung Masa lam, Hpyen Yen ni a lam hte Myen Mung kata na hkristan makam masham lam ni hpe EU (Europe ) hte UK Mungdan de sa du tang madun sai lam Wajau Paul Lahpai Awng Dang hte san htai galaw da  ga ai.

Friday, December 07, 2018

Philippine Mungdan Manila Saradaw kaba Cardinal Tagle a 2 ya aten la nna Bangladesh Mungdan de sa du gawan ai shi a hkrun laman, December praw 3 ya shani Cox’s Bazar ginwang de sa du nna tsin yam hkrum masha ni, shanhte hpe garum ya nga ai Cariats magam gun ni hte kaga wuhpung uhpawng shagu na magam gun ni, bai dai ginwang na Mung up du ni hte hkrum shaga ai lam ni galaw lai wa ai rai nga ai.

Friday, December 07, 2018

Asak 94 ning rai sai American Mungdan Gumsan Magam Usa George H. W. Bush lai wa sai Nov shata 30 ya shani nnga mat wa sai hte, makoi mayang lamang kaba hpe Mungdan asuya lit la nna Washington DC nawku htingnu kaba hta galaw lai wa ma ai. Gumdan magam Donald Trump hte hpawn asak naw hkrung nga ai American Mungdan Gumsan Magam usa ni marai 4 mung du lawm nga ai makoi mayang hpawng kaba de, Gumsan Magam Usa George H. W. Bush nnga mat wa ai majaw yawm hkyen lawm nga ai lam Wa sarabyin Francis kaw nna lahpu laika shagun jaw da tai rai nga ai.

Friday, December 07, 2018

Matut nna Wa Sarabyin hkaw tsun ai hta, “anhte hpe hkye hkrang la na matu Madu Yesu shangai wa ai, ndai lam hpe anhte poi galaw nga ga ai, raitim mung anhte galaw nga ai Hkristmat poi gaw mungkan lai masa san san poi zawn byin chye nga ga ai, Madu Yesu hpe anhte a kun dinghku, anhte galaw nga ai poi a ahkyak kri madung shatai nna dai madu shangai wa ai lam hpe sung sung sumru dinglik akyu hpyi ai lam ni galaw na malai, gat kaba ni hkan sa, pyaw hkawm, arung arai ni mari, kum hpaw kum hpa ni mari, shada kum hpa jaw hkat, re ai lam ni hpe sha galaw rai nna madu Yesu hpe gaw dum pyi ndum rai, malap mali di kau da chye ga ai.

Friday, December 07, 2018

November 20 ya shani gaw Urope Mungdan de bai du ai shaloi International Human Right Law (70) ning hpring masat nhtoi galaw ai Urope Parliament kaw shang lawm hkrum shaga ai lam, Ndai zawn sa hkrum shaga ai a yaw shada lam madung gaw Myanmar Mung kata na Rakhine Mungdaw hta byin ai mang hkang hpe Mungkan Mungdan ni chye ai rai tim Jinghpaw Mung hte Sam Mung dingdung daw ni hta jamjau hkrum nga ai hpyen yen tsin yam , shinggyim ahkaw ahkang tawt lai hkrum ai lam ni hpe Mungkan gaw malap kau ya ai,

Thursday, December 06, 2018

Myitkyina,Manmaw,Lashio Sasana kaw na Tarahkaw Sara Lithkam ni a shawng nnan lang na Ningja Jat Sharin Hpawng hta sa du shang lawm ai Tarahkaw Sara ni a hkam sha ai lam, myit mada ai lam ni hpe RVA Jinghpaw N-sen Shapoi Dap kaw nna san htai galaw da ga ai.

Wednesday, December 05, 2018

2018-2019 Hpaji ladaw Jinghpaw Mungdaw hta Dakkasu shang san poi htai na shara n nan (8) bai kahtap hpaw mat wa na re lam chye lu ga ai.

 

Wednesday, December 05, 2018

Myitkyina Mung Shawa Tsirung Hta CCTV Shakap Na Shiga

Tuesday, December 04, 2018

San Francis Xavier Feastday poi nhtoi masat hku nna Karai magam gun ni law htam wa lu na matu myit jasu sharawt lamang hpe mung Myitkyina Aungnan San Columban Nawku Jawng wang na, htap masum mung bawng htingnu hta shana de 6:30 pm aten  hpang nna galaw lai wa ai.

Please wait while the page is loading