Sasana sa galaw ai Italian Jau langai Nigeria Mungdan hta rim zing da hkrum nga ai shiga

Sasana sa galaw nga ai Italian Jau Pierluigi Maccalli, Nigeria Mungdan Burkina Faso jarit Makau hta Jihadists ngu ai Islamist hpyen hpung ni a rim zing mat wa ai hkrum nga ai majaw Italty Mungdan maigan hkring mang rung kaw nna mabyin hpe sawk sagawn ai lam galaw nga ai re, nga ai.

Ndai gaw dai ni laman sinna Africa Mungdan hta Europa shan hpraw masha lahkawg ngu na zim zing hkrum ai lam rai nga ai, nga nna mung Nigeria Mungdan asuya kaw nna tsun dat nga ma ai. Sept 18 nhtoi hte ka da ai shiga hta ndai Jau gara shani rim zing hkrum ai ngu ai nhtoi hpe gaw nshalawm da nga ai.

Ya rim zing hkrum nga ai, asak 57 ning rai sai Jau Maccalli gaw SMA ngu ai Societ of African Mission Jau uhpung kaw nna Jau rai nga ai zawn, ya shi rim hkrum ai Nigeria Mungdan, Niamey saradaw ginwang, Bomoanga ngu ai Jau ginwang de garai ndu wa shi yang, Africa Mungdan langai rai nga ai, Ivory Coast Mungdan hta mung shaning law law sasana sa galaw lai wa yu sai Italian amyu sha Jau rai nga ai. 

Jau hpe zim zing mat wa ai hpe mu dat ni tsun ai hta, “Jau hpe rim mat wa ai shaloi ma ma langai mung lawm ai, ndai buga shara ni gaw Mali hte Burkina Faso Mungdan jarit mayan rai nga ai hte Jihadist ngu ai Islamist hpyen hpung ni shamu shamawt nga ai shara ni rai nga ai, al Qaeda hte Islamist State uhpung ni hte matut mahkri shawn ai hpyen hpung ni shamu shamawt nga ai ginra mung rai nga ai” re nga ai.

Jau Maccalli sasama sa galaw ai Bomoaga ngu ai Jau ginwang gaw, hkawm sa hkawm wa matut mahkai yak ai shara, hkamja lam, hpaji lam ni hte seng nna ningra ai lam law law nga ai shara bugu rai nga ai majaw, sasana myit hpring tut hte sasana sagalaw ai lam rai nga ai.

Jau a dum nta masha ni kaw nna mung shanhte a tsawra aid um nta masha rai nga ai Jau Maccali hpa hkala nlka nhkrum ai sha bai lawt wa lu na hpe myit mada let akyu hpyi nga ma ai zawn, Italy Mungdan maigan hkring mang rung law nna mung Jau a dum nta masha ni hte matut mahkai lam ni galaw let mabyin hpe sawk sagawn ai lam ni galaw nga ma ai, nga nna Vatican shiga dap kaw nna shana dat nga ma ai. 

 

Source : Vatican News

Translated by : Fr.Bernard Dashi Tang

Add new comment

14 + 5 =

Please wait while the page is loading

Sasana sa galaw ai Italian Jau langai Nigeria Mungdan hta rim zing da hkrum nga ai shiga | Radio Veritas Asia

Error

The website encountered an unexpected error. Please try again later.