Manmaw Saradaw Sasana Na Hlaing mare hta San Michael Poi hte Jubali Poi galaw lai wa sai shiga !(Local News )

Manmaw Saradaw Sasana Na Hlaing jau ginwang, Na Hlaing mare hta San Michael Poi hte Jubali Poi galaw lai wa sai shiga !

Lai wa sai Sep (29) ya shani hta Manmaw Saradaw Sasana Na-Hlaing jau ginwang Na Hlaing mare na San Michael nawku jawng wang hta Ginra nta n-nan shaman hpaw poi, Wajau Patrick Zinwa Brang Di a Karai magam gun (25) ning hpring gumhpraw Jubali Poi hte Ma Ma Elizabeth A-Kyet(FMM) hte Ma Ma Rose Mary Maran Nang Htang(FMM) yan a Karai Magam gun (50) ning hpring Ja Jubali poi kaba galaw lai wa sai.Wajau Patrick Brang Di gaw Na Hlaing mare buga hta dai daw wa nna ya ten Myitkyina Saradaw ginwang,Shatapru Jau tai Dak kasu tau jawng hta jawng Up magam hpe gun hpai nga ai re.Ma Ma Elizabeth A-Kyet(FMM) hte Ma Ma Rose Mary Maran Nang Htang(FMM) yan gaw San Franciscan Ma Ma hpung kaw na rai nga ai. N dai poi hta Manmaw Saradaw  Sasana Sagurem wa Wasaradaw Raymond Sumlut Gam, Wajau ni marai (20) jan,wuhpung shagu na Mama ni hte Hpung masha ni marai (1000) jan sa du shang lawm lai wa sai.

Shawng n-nan Wa Saradaw Raymond Sumlut Gam kaw nna ginra nta hpe shaman nna pan gran rep di let hpaw la lu sai. Dai shani na Missa hkungga hta lak lai ai hku n-na Sam htung hkring  ka hkrang ka manawt let alu ap ai lamang mung galaw lai wa sai re.Missa Hkungga ngut ai hpang matut manoi Jubali madu ni hpe shagrau sha-a ai lamang galaw ai.Dai hpang Jau ginwang shagu na la sa ai laksan kumhpa ni hpe shagrau ai nna Matut manoi shawa masha ni hku nna Kumhpa shagrau ai lam ni galaw lai wa sai. Htung hking magun lit hte Sam myu sha Htung hking ni hte Jubali Madu Wajau hte Ma Ma kaba yan hpe shagrau ai lam galaw lai wa sai.Jubali Madu ni hku na myit kraw lawang kata hta chyeju dum hkam sha ai lam ni hpe kadun ai hku na tsun dan lai wa sai.Na Hlaing ginwang Up Wa jau Ai Maung kaw nna mung chyeju dum mungga shaga lai wa sai.dai hpang malu masha a matu hte hpawng shangut kyu hpyi nhtawm Ginra n ta n-nan htap 2 hta daw sha ai lamang galaw let dai shani na Poi hpe kabu gara awng dang ai hku galaw la lu sai rai nga ai.    

 

Shiga sawk tang madun ai - Elizabeth Nbang Seng Lawt Lu

Add new comment

4 + 0 =

Please wait while the page is loading