Yak Hkak Jam Jau Nga Ai Ni Hpe Ngup Ga Hte Sha Nre Tatut Garum Ga

Wa Sarabyin Francis kawn (32) lang na mungkan ting a machyi makaw nhtoi hta kam sham ai hpung masha ni hpe machyi makaw jam jau jam hkau hkrum nga ai ni hpe ngup ga hte sha nre tatut garum na matu saw shaga lai wa ai, dai gaw Madu Yesu machyi ai masha ni hpe ga hpe jahkring mi hkrum shaga nna tatut hpe madung galaw lai wa ai hpe shadum ya ai lam re ai hpe tsun lai wa ai.

Wa Sarabyin Francis kawn tsawra myit ngu ai gaw ngang kang ra ai (concreteness), ta tut nga ra ai (presence), ta tut hkam jan ra ai (encounter), aten jaw ra ai hte shara jaw ai lam ni rawng nga ai hpe laban shani na Missa hta tsun lai wa ai. Dai hpe “tin shapun sa ai laika shing nrai gawng shingyan shamu shamawt ai lam (hasty message or selfies of moment) sumla hkrung kaw madun dan ai sum la ni hte ga si tsawm tsawm re ai ni rau shayawm kau nmai” ai lam mung tsun lai wa ai. (32) lang na mungkan ting a machyi makaw nhtoi Feb 11 ya shani galaw ai Missa hta Wa Sarabyin kawn laban shani hti ang ai kabu gara shiga (MK 1:40-45) hta Madu Yesu kawn Manggang ana byin ai masha ni hpe shamai shatsai ya ai kasi hpe yu let anhte mung “Few words and concrete action” loi mi sha tsun shaga nna ta tut hkrak rai galaw na matu tsun shadum da ai hpe chye lu ai. Wa Sarabyin kawn ndai zawn re ai shamai shatsai ai lam ni law law hpe Madu Yesu galaw lai wa ai hpe chyum laika hta mu lu nga ai, na n na ai hte ga n chye shaga ai hpe shamai ya ai lam (MK: 7:31-37), hkum daw chyen mi si ai ni hpe shamai ya ai lam (MK, 2: 1-12) u -ga ra kadawn nga ai ni law law hpe shamai ya ai (MK 5), ndai zawn lam ni hpe shi Madu galoi mung galaw wa ai, tsun shaga lam hpe chyi mi sha tsun tim, shi a ga hte maren ta tut hkan sa ai” lam hpe mung tsun lai wa ai.

Madu Yesu gaw hpung makam masham hte myit hkamsha lam ni hta ga hpe ndi nda n shaga nna san jep ai lam ni hpe n galaw ai. Shi gaw atsawm sha madat mara na, kang ka ai hku kalang ta galaw sa ai hpe grau nna ra sharawng nga ai lam tsun lai wa ai. Wa Sarabyin kawn anhte ni a prat hta “mau hpa tsawra myit hte seng ai mahkrum madup ni” hpe hkrum lai wa na re “masha nkau mi gaw” ngup ga gaw n pyaw tim jaw lu jaw sha kam ai, grai kyin ai zawn rai tim ra wa yang karum na jin jin re ai, hpa majaw ndai zawn re ai anhte a matu tang du ai akyu jaw karum ya nga ai ni gaw madat mara na jin jin rai nga ai hpe madun ya nga ai. Anhte a manang hpe “ngai hpe garum ya mai ai kun”ngu san yu ga.

Wa Sarabyin kawn grau nna daini na mungkan hta shara shagu hkan e “evanescent virtually” ngu ai lawan ladan htum mat wa ai tsawra myit ni shara shagu hta grau chyam bra wa ai majaw ngang grin ai tsawra myit ni anhte hta nga na grai ahhkyak nga ai lam hpe tsun shadum lai wa ai. “Tsawra myit hpe tsawm htap ai ga si ni, sumla hkrung na zawn re ai sumla ni bai nna lawan ladan sa ai laika ni rau nlu shayawm ai. Rai tim dai ni yawng gaw tsawra myit a matu akyu rawng ai lam ni rai tim grau nna gaw ngang grin ai tsawra myit a shara kaw galai na n mai byin nga ai. Wa Sarabyin Francis kawn kam sham ai hpung masha ni hpe masha ni a nsen hpe madat nna ra kadawn nga ai ni hpe tinang kyin dut nga ai lam, akyu n rawng ai gasi ni hte nre ai sha gaja wa ta tut karum na jin jin rai nga sai kun ngu nna saw shaga tsun lai wa ai. “Karum na ra kadawn nga nna karum hpyi nga ai ni hpe karum na matu tinang a masing ni hpe galoi ten ni hta galai shai kau ai kun shing nrai (sh) machyi makaw byin taw ai masha ni (sh) myit garen gari nga ai masha ni hpe galoi ten hpang jahtum hku na sa kawan da sai kun”

 

 

Add new comment

2 + 13 =