Wudang Masat Galaw Ai A Marang E Karai Kasang A Ahpum Ginshum La Ai Hpe Hkrum Let ShimLum Lam Jaw Ya Nga Ai Hpe Hkam Sha Shangun Ai nga nna Wa Sarabyin Tsun

Wudang masat galaw ai a marang e anhte hpe myit dum shangu ai lam gaw Karai Kasang kade daram tsawra ai hte aten shagu nhprai ai sha Shimlum lam hte ra kadawn nga ai chyeju hkum sumhpa jaw ya nga ai hpe myit dum hkam sha shangun nga ai.

Wa Sarabyin Francis gaw lai wa sai Chyoi Pra Ai Trinita laban shani, Angelus hta hkaw tsun ai mungga hta “Karai Kasang Anhte hpe kade daram tsawra nga ai hpe hkam sha lu nga ai kun? N hkam sha shangun nga ai Kun? ngu ai hpe sawn dinglik yu na lam hpe kam sham ai Hpung masha ni hpe matsun da nga ai. San Peter nawku lamang galaw ai pa shara hta Shani ka ang na akyu hpyi ga ntsun shi ai shaloi, hkying kaba hku nna sa du ai kam sham ai hpung masha ni hpe “ anhte kaji ai ten hta sharin hkam la da nga ai, san seng ai katsi kaja tai ai lam a kumla ni,Karai Kasang a tsawra myit hte Shimlum ai lam ni gaw Anhte hpe galoi mung kaup kahprwi da nga ai” ngu ai hpe dan dawng shangun ai lam rai nga ai.

Nikodimus hte Karai Kasang a tsawra myit htinglu htinglai ai lam

Wa Sarabyin Francis a hpaw hpang ai ga hta, Kasa Yawhan tsun lai wa ai Madu a kabu gara shiga hta na rai nga ai “ Nikodimus hte Madu Yesu a lam” anhte hpe myit dum shangun ai lam rai nga ai. Nikodimus ngu ai wa gaw Madu Yesu hpe hkap la kam sham wa ai hte Karai Kasang a Sung htum ai lam ni hpe chye mayu ai myit grai rawng wa ai “Sanhedrin” langai re ai lam hpe tsun shana lai wa sai. Karai Kasang gaw Shi a kasha shingtai rai nga ai “Madu Yesu” hpe mungkan shinggyim masha ni a matu jaw ya ai lam gaw anhte hpe kade daram tsawra nga ai lam hpe sakse madun nga ai lam rai nga ai hpe Wa Sarabyin kawn myit dum sum ru lu ai hte tsun dan lai wa sai rai nga ai..

 Madu Yesu gaw shi du sa wa ai hku nna, “Kawa Karai Kasang a kaba la ai n-gaw nwai tsawra myit a lam” hpe madun dan nga ai. Wa Sarabyin tsun dan ai hta, “Kawa hte Kasha a ni htep ai mahku mara lam hpe madun dan ai lam re nga nna tsun lai wa ai. Dai mabyin hpe ni htep ai hku anhte myit sawn sumru yu yang, Karai Kasang a hkrang sumla hpe myit shut shangun chye ai mahku mara lam langai hku nna, myit shut la chye nga ga ai . Dai gaw tinggyeng shing nrai, dam lada ai hte law malawng hkap la shut chye ai lam re ai zawn, jaw teng ai lam langai mung rai nga ai. Dai hkap la ai makam lam hta hkan nna, Kawa hte Kasha langai ngu ai gaw “ Anhte hpe nta de woi wa ai” ngu ai hpe tsun lai wa ai.

Wa Sarabyin tsun ai; Karai Kasang a hkrang sumla ngu nna tsun dat ai hte “sha ku langai hta rau jawm sha nga ai dum nta masha ni zawn” myit sawn la mai nga ga ai.Dai hta n-ga, hkungga nawng jau ai sha ku ngu ai shara hta , Kawa , Kasha, Chyoi pra ai Wenyi ngu ai marai Masum Karai Atai Langai re ai Karai Kasang a hkrang hpe madun ai masat kumla langai re ai lam hpe tsun madun mat wa ai.

Dai gaw anhte hpe galoi mung htinglu htinglai ai hte Karai Kasang ga shaga nga ai hkrang kumla langai rai nga ai. Kawa, Kasha ,Chyoi Pra Ai Wenyi ngu ai marai Masum Karai Atai Langai  “Dai gaw Hkrang kumla langai sha nrai, tengman ai hte ta tut nan Karai atai langai hkrang rai nga ai.

Karai Kasang A Tsawra Myit hpe Karan Kachyan Na Matu Saw Shaga Ai Lam 

Chyoi pra ai Wenyi gaw, Nikodimus hte arau Madu Yesu galaw lai mat wa sai lam yan mahkra hpe anhte hte rau sha, jawm pawng galaw ya nga ai. Dai lachyum gaw Karai Kasang hta sak hkrung hkawm sa ai lam nnan shangai ai lam a sunghtum ai lam ni hpe anhte ni chye na hkam la lu na matu, Madu sak hkrung hkawm sa lai wa sai mabyin masa lam ni hpe yu nna Kawa Karai Kasang a tsawra myit salum chyinghka hpe hpaw madun dan ai lam mung rai nga ai.

Karai Kasang a tsawra myit hpe chye na nna, garan kachyan ai hte Shi hte rau htinglu htinglai lu na matu anhte hpe saw shaga nga ai. Madu Yesu gaw shi a hkum hkrang asak ap nawng ai hte Kawa Karai Kasang a tsawra myit hpe chye na shangun ai, Hpung Shingkang hpe shadan shadawng ai hte anhte hpe hkye hkrang la ai lam yan ni hpe Missa hkungga nawng jau ai aten shagu hta anhte hpe myit dum shangun nga ai. Dai rai nna, Anhte dai lam ni hpe gara hku myit dum lu nga ai Kun? Anhte kaji ai ten hta matsing loi dik ai hku sharin hkam la ai lam gaw “Wudang Ntsa hta si hkam ai Madu Yesu galaw lai wa sai Namik Kumla” rai nga ai.

Madu Yesu a Wudang hkrun lam hpe myit sawn yu let, “ Anhte hpe myit dum shangaun ai lam gaw Kairai Kasang gaw Shi a tsawra dik ai Kasha Shingtai hpe mungkan ga hpe jaw kau ai kaw du hkra rai nga ai, anhte a sak hkrung hkawm sa lam hpe manu shadan ya nga ai lam, Anhte a sak hkrung hkawm sa ai lam hta hkum tsup ai , galu kaba ai, Hpring tsup ai hte nga lu ai sha n-ga, Tsaw dik htum ai kaw nna nem dik ai shara du hkra sha nrai, pai maga sha n-ga hkra maga mung lam n mat hkra galoi shagu shi a tsawra myit hte Shim lum ai lam gaw anhte hpe hkying ten shagu ka up kahprwi da nga ai lam hpe” Chyoi Pra Ai Kawa Karai Kasang gaw anhte hpe shadum ya nga ai. “Wu ndang Ntsa Na Namik kumla hte seng nna, anhte a sak hkrung hkawm sa lam shagu hta hkam sharang ai hte azim sha , galaw hkan sa lu na matu” Wa Sarabyin kawn nna n- gun jaw lai wa ai.

Karai Kasang gaw Tsawra Ai Myit Rai Nga Ai Lam Sakse Hkam Ga

“Kawa Karai Kasang a Mying Ningsang hte gawgap hkrang shapraw da nga ai, Madu a tsawra myit hpe sakse hkam na matu anhte ni gaw tinang hkum nan sakse ni tai let madu a Hpung Shingkang hpe shadan shadawng nga ai, kam sham ai kashu kasha ni hku nna galaw gun hpai ap nawng sa wa ra ai lam hpe” Wa Sarabyin kaw nna matsun tawn da ai lam tsun shana lai wa sai.  Dai ni, anhte tinang hkum hpe tinang bai dinglik yu nga ga. “ Karai Kasang gaw tsawra myit rai nga ai lam hpe anhte sakse hkam nga ai ni rai nga ai kun? (Sh) Karai Kasang gaw Tsawra myit rai nga ai ngu ai lam hpe na yu ai mabyin masa langai hku sha hkap la taw nga ai kun, tinang a prat hkrun lam hta bai myit sawn dinglik yu ai hte shadum jahprang ya nga ai hpe n lu hkan galaw nga ai wa rai Kun? Karai Kasang gaw tsawra myit rai nga ai lam hpe anhte a makau grup yin hta anhte sakse hkam nga ai ni rai kun? “Shanhte mung tsawra ra myit hpe gara chye nga ai kun? Bai Anhte mung, anhte a dum nta masha ni a lapran hta gara hku na tsawra ra myit hpw madun chye nga ga ai Kun? ngu nna kam sham ai Hpung masha ni hpe Wa Sarabyin kaw nna ga san san lai wa ai.

Tinang a makau grup yin (sh) dum nta masha ni hpe Tsawra myit karan kachyan ai, lanu lahku ai, jaw lu jaw sha chye ai, tinang a myit masin salum chyinghka kaba hpe hpaw nna hkap tau hkaplum la ai lam ni gaw Tsawra myit hpe shadan shadawng ai kumla ni rai nga ai lam hpe Wa Sarabyin kawn tsun shana lai wa sai. “ Kawa , Kasha, Chyoi Pra Ai Wenyi a Hpung Shingkang hte anhte a dum nta ni hpe makawp maga ya ai zawn anhte a Nawku Hpung hpe mung Madu a tsawra myit hte gawgap let hkawm sa lu na matu garum shingtau la rit” ngu nna shani kaang na akyu hpyi ga ntsun shi ai shaloi, Wa Sarabyin kaw nna Nu Maria kaw akyu hpyi lam rai nga ai.

ps://www.vaticannews.va/en/pope/news/2023-06/pope-at-angelus-do-i-bear-witnes...

as-love.html