Wa Sarabyin: Yesu Hte Rai Yang Ningnan Shagu Hpe Galaw Hpang Lu Ai

image from Vatican website

December 4, Du Sa Ladaw hta lahkawng ngu na laban shani, Wa Sarabyin Francis, Yesu hte rau rai yang n'nan shagu hpe galaw hpang lu ai, nga nna n-gun jaw da ai.
Anhte a gawng kya ai lam ni, hkrat sum ai lam ni nga ga ai raitim, Karai Kasang a tsaw ra matsan dum lama myit hte mara dat hkyamsa hpe hpyi nem ra ga ai. Karai Kasang hpang de kayin wa na matu Yesu hte rau rai yang galoi mung mai nga ai.
Kabu Gara Shiga gaw, Mt 3:1-12, Kashin Kamun Sara Yawhan Baptista, Hkyela Madu a lam tsun ai chyum daw rai nga ai.
"Sumsing mungdan du magang ra ai majaw myit malai lu mu" nga nna hkaw tsun ai nsen rai nga ai.
Yawhan Baptista gaw, shi a prat yak ai, hkrit tsang lam ni nga na re ngu anhte mu yang mu na ga ai. Raitimung, shi gaw anhte a matu ndai Du Sa Ladaw hta ahkyak dik ai manang kaja rai nga ai. Pharisee ni hte Sadducee ni gaw n kaja ai myit hte shi kaw sa du ma ai. Anhte gaw yawng hkum tsup sai ni re majaw myit malai lu n ra sai ni re ngu hkam la ma ai. Yawhan Baptista shadum ai hpe n hkap la ma ai. Ningnan re ai myit malai na lam hpe n galaw ra sai ngu hkam la ma ai.
Yawhan a shadum nsen gaw Karai Kasang a tsaw ra matsan dum lama ai nsen rai nga ai. "Nanhte a prat hpe hkum shamat kau mu. Myit malai lu mu, sumsing mungdan ni magang ra ai."
Chyoi pra san seng ai teng man lam ni hpe jahten shangun ai Hypocrisy ni gaw dingbai dingna kaba dik jaw ai ni rai ma ai. Dai majaw Yawhan Batistsa hte Madu Yesu gaw, lawan dik, ahkyak la nna, shagrit shanem myit n rawng ai, shanhte a mara hte gawng kya ai lam hpe n hkam sha ai hypovrite ni hpe shadum jahprang sadi jaw ma ai.
Anhte hkum nan mung, anhte a sat lawat kyang lailen ni hte myit masa ni hpe sumru dinglik masam maran ru ra ga ai. Pharisee ni zawn sha rai nga ga ai kun? Anhte hkum hpe anhte hting hkrang la ra ga ai. Karai Kasang a myit ra ai hta hpu nau nau na ni a ra kadawn ai lam shagu hta Kabu Gara Shiga matsun hte maren daw jau sa wa ra ga ai. Karai Kasang a mara dat hkyam sa ya ai hpe hpyi nem la ra ga ai.
"Ndai ahkyak ai lam langai hpe myit dum ga; Madu Yesu hte rai yang ningnan hpang ai lam shagu gaw galoi mung byin mai ai, mai byin ai" nga nna Wa Sarabyin shadum da ai.
Ndai Du Sa Ladaw gaw chyeju hpying ai hte Karai Kasang hpang de kayin shang wa lu ai ladaw rai nga ai. Hpu nau na na ni hpe shagrit shanem let daw jau let Madu Yesu hte hkrum lu na matu Nu Maria kaw akyu hpyi htinglu htinglai nga ga, nga nna mung Wa Sarabyin Francis saw shaga da ai.
Hpang jahtum "simsa lam" a matu akyu hpyi ga, Mara n kap na-um na-sin ai Nu Maria poi hta nawku daw jau lamang ni hta shang lawm nga ga, Ukraine hte majan byin nga ai mungdan ni hta na majan tsin-yam hkrum masha ni a matu akyu hpyi ya nga ga, nga nna Wa Sarabyin Francis, Nawku Hpung masha yawng hpe saw shaga da nga ai.

By Fr. Patrick Gawmaw Hkawng Yae
#vaticannews
#rvakachinservice
https://www.vaticannews.va/en/pope/news/2022-12/pope-at-angelus-with-jes...

Add new comment

1 + 13 =