Wa Sarabyin :TV Sumla Hkrung Ni Chyu Dung Yu Rawng Nga Ai Masha N tai Ga

Wa Sarabyin :TV Sumla Hkrung Ni Chyu Dung Yu Rawng Nga Ai Masha Ntai Ga

TV sumla hkrung ni chyu dung yu rawng nga ai masha ntai ga, nga nna ramma ni hpe Wa sarabyin tsun shadum dat nga ai. Thailand mungdan hta du nga ai Wa sarabyin Francis, shi hkring sa shanu nga ai shara makau shana yup akyu hpyi na matu du hpawng nga ai Thai ramma ni hpe Nov 20 ya shana ya na zawn tsun dat ai lam rai nga ai.

Wa sarabyin tsun ai hta, “Tinang a nta yup gawk kaw chyu rawng nga nna TV sumla hkrung ni chyu yu nga ai masha ni ntai ga, shing gan de pru hkawm sa nna lama ma kaja ai bungli galaw ga, bungli galaw ai lam hta shakut shaja ga. Magam bungli shakut galaw lu hkra n gun atsam jaw ya lu ai Karai kasang kaw akyu hpyi ga, anhte a prat hta shamu shamawt galu kaba wa ai lam nnga nan nan re ai masa hta nmai byin shanu nga ai, asak 20 ning daram sha naw re ai masha langai hkring sa mat sai masa nmai byin shangun ai, galoi mung n gun dat shakut nna shawng de sit nawt nga hkra galaw nga ra ai. Ramma ngu ai ni kadai mung kabu gara pyaw ai prat hpe lu la mayu ni, lu la ra ang ni hkrai rai ma ai, raitim mung TV sungla hkrung ni chyu yu nna gawk kaw rawng nga, yak hkak mang hkang lam ni hta chyu hpung yawn rawng nga ai masa hku nna kabu myit pyaw lam ni hpe lu la na n rai nga ai. Myit katu ai myit ni the sharawng shara shakut da hpran nga ai masa hta sha kabu myit pyaw lam ni hpe lu la na re” ng anna Thailand ramma ni hpe Wa sarabyin tsun shadum n gun jaw dat nga ai lam Vatican shiga dap kaw nna shana dat nga ai.  

Source : Vatican News