Wa Sarabyin: Shiga La Shiga Shapoi Ai Ni Teng Man Ai Lam Hpe Tam Sawk Sagawn Shapoi Na Matu N-gun Jaw

May 24, bat langai ya shani, shinggyim matut mahkai ai lam hpe lit la woi awn nga ai Vatican na “the Dicastery for Communication” magam gun hpung ni kaw Wa Sarabyin Francis sa du kawan let n-gun jaw da ai lam Vatican Shiga Dap kaw nna ndau da ma ai.

Sa du kawan ai shara gaw labau shang the Holy See’s Radio station kaw re lam chye lu ai. Bat langai ya jahpawt Palazzo Pio mying ai Vatican Radio shapoi Dap, the Holy See’s Radio Station hte L’Osservatore Romano mying ai Shi laika shapraw dap ni kaw sa du kawan hkawm lai wa ai rai nga ai.

Vatican Rodio station hte L’Osservatore Romano a (90) ning hpring hte (160) ning hpring ladu hkrum ai hpang Wa Sarabyin Francis ndai zawn Shiga Shapoi Dap ni kaw sa du kawan ai lam shi a matu shawng ningnan na lang re ai lam mung chye lu ai.

Vatican Radio hte L’Osservatore Romano Shiga Shapoi Dap lahkawng yang gaw “the Dicastery for Communication of the Holy See a npu na shiga shapoi dap ni rai ma ai. De a npu hta Vatican Television Ceter, the Vatican Publishing House, the Holy See Press Office, the Photograhpic Service, the Vatican Internet Service hte the Vatican Printing press ni mung nga ai rai nga ai.

Wa Sarabyin ndai zawn kawan lu na matu the Prefect of the Dicastery rai nga ai, Paolo Ruffini e lajang ya ai rai nna, hkying hkum mi kawan katsan ai hta shiga la shaga jaw ni rai nga ai Vatican Radio Shiga Shapoi Dap na “journalists” ni hte hkrum shaga ai hta shadum n-gun jaw da ai lam mung galaw da nga ai.

Matut nna mung L’Osservatore Romano rung kaw sa du kawan ai hta de a matu ga myu hkum hte shiga la shi laika shapraw ai journalists ni rau mung hkrum shaga lai wa ai.

Shiga Dap ni kaw kawan ngut ai hpang akyu hpyi gawk (Chapel) hta chyahkring mi shang akyu hpyi ai hta teng man lam hpe tam sawk sagawn shiga htinglet ya lu mu ga matu yaw shada myit kaba hte akyu hpyi ya lai wa ai lam Vatican Shiga Shapoi Dap kaw nna ndau da ma ai.

By Fr. Patrick Gawmaw Hkawng Yae

#vaticannews #rvakachinservice

Source : Vatican Media