Wa Sarabyin: Sasana Ma Makawp Nhtoi Hta Asak N Hpring Ma Ni Hpe Bungli Shangun Ai Lam N Galaw Na Matu Shadum Sadi Jaw Da

Wa Sarabyin Francis Sasana ma makawp nhtoi masat dingsat a matu shadum mungga tsun da ai hta asak n hpring sasana ma ni hpe bungli hkum galaw shangun ga, ngu tsun da nga ai lam Vatican Shiga Dap kaw nna June 10 ya shani ndau da ma ai.

UN kawn ndau shadum da ai hta mungkan shara shagu hta ma ni hpe bungli galaw shangun ai madang tsaw hta tsaw jat nga ai ngu tsun da ma ai. Dai zawn galaw shangun ai lam hpe jahkring kau da ga ngu UN kawn mung shadum da nga ai hpe Vatican kawn tsun ndau da ya ma ai.

Asak n hpring sasana ma ni hpe shadut nna bungli galaw shangun hkrum ai ma wan 160 de tsaw lung wa ai rai nna, lai wa sai shaning mali (4) ning laman hta sha wan 8.4 rai nga ai lam, Dai pyi, wan hku re ai ma ni Covid 19 tsin-yam a majaw bungli shangun ai kaw nna lawt lu ma ai lam chye lu ai.

2000 -2016 shaning laman hta shadut nna bungli gala shangun hkrum ai ma wan 94 re ai lam UNICEF kawn mung ndau da ya ma ai.

Asak n hpring ma ni hpe bungli shangun ai hta la sha ma ni grau law ai lam, Ma ni hpe bungli shangun ai law dik shara gaw mare buga hkan re ai lam, hkai lu hkai sha bungli ni hta law malawng shangun ma ai re ai lam, dai zawn re ma ni gaw kung dinghku kata hta byin ai re lam, n kau ma ni nga yang hpaji jawng n lung lu ma ai lam mung chye lu ai.

Vatican Shiga Dap kaw nna ndau da ma ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/world/news/2021-06/ilo-unicef-united-nations-report-world-day-against-child-labour.html