Wa Sarabyin: San Pra Ai Masha Ni Zawn, San Yawsep Kaw Sit Sa Ga

San Paul VI Hall hta, Wa Sarabyin Francis, hpung shawa masha ni hte hkrum shaga ten, San Yawsep a lam tsun hkai dan ai hta, shi gaw kaga masha ni hpe yu lakawn ai wa rai nga ai, ngu tsun dan da ai.

Kahtawlik Nawku Hpung a kam hpa shara San Yawsep ngu masat ai (150) ning hpring masat dingsat Laika, Alu ai Wa Sarabyin Pius XI a Apostolic letter “Patris corde,” Kawa a Masin salum” ngu ai ga baw ginlam hpe mung sang lang da ai.

San Yawsep hpe Nawku Hpung a kam hpa shara ngu masat ai gaw hpa lachyum rai ta?, ngu ai ga san hte anhte a myit masin hpe sumru shangun ai.

Kabu Gara Shiga hta, San Yawsep gaw kasha ma chyangai hte shi a kanu Maria hpe htep lahit yu lakawn ai wa, Karai Kasang shi hpe matsun da hkang da ai hte maren galaw ai wa rai nga ai. Shan nu hpe makawp maga bau kaba na lam yawng hpe galaw ai hta n hprai lai wa ai wa rai nga ai.

“Kasha gaw kanu hte hka nna n nga lu ai” ngu Vatican Council kawn shadum shadi jaw da ai ga matsun hpe tsun dan let Karai Kasang a hkye hkrang la masin hpe mung Wa Sarabyin Francis sang lang da ai.

Yesu, Maria, Yawsep shan nu wa ni gaw Hkristan kun dinghku masha shagu a matu kam hpa shara rai nga ai. Karai Kasang gaw Nu Maria hpe zawn sha San Yawsep hpe lit shatsam da ai; kam myit kaba hte shatsam da ai; lit ap jaw da ai. San Yawsep gaw Nu Maria hte rau ma Yesu hpe bau sin makawp maga lai wa ai.

San Yawsep gaw Nawku Hpung hpe up hkang bau sin makawp maga ai wa rai nga ai; hpa majaw nga yang, nawku hpung gaw Hkristu a hkum hta na daw shan ni rai nga ai; kanu Nu Maria gaw Nawku Hpung a kanu rai nga ai.

San Yawsep gaw Yesu hte mung Maria hte mung seng ai; makawp maga bau sin ai wa rai nga hte Yesu hte Nu Maria yan nu hte seng ai ni yawng hte mung seng ai, bau sin makawp maga ai wa rai nga ai.

Masha hkum shagu gaw kaw si hpang gara ai, manam tai ai, singu kring rai ma ai, machyi makaw hkrum ai ni rai ma ai, hkyuk htawng hta rawng ai ni rai ma ai; Shanhte hpe Yesu Madu yu lakawn nga ai.

Nawku Hpung hpe mara tam mara shagun chye ma ai masha law law nga chye ai; Nawku Hpung kata n ru n ra kahtik kahtawk byin lai wa ai, byin nga chye ai kaji kajaw re ai lam ni hpe shadum shading sharai la na malai, mara shagun mara hta chye ma ai; Nawku Hpung a shut shai lai wa ai lam ni gaw n kaja ai yaw shada hte n re ai sha, gawng kya ai a majaw she rai lai wa ai raitim, mara jaw mara hta mara shagun chye ma ai.

Ndai zawn byin lai wa ai, matut byin nga ai; hpa majaw nga yang mara lu ai shinggyim masha ni jawm pawng hpawng gaw de da ai nawku Hpung re ai majaw rai nga ai. Karai Kasang a tsaw ra matsan dum ai hpe Nawku Hpung gaw galoi mung, prat bang shagu hkam la ai; Nawku hpung gaw shi shut ai hpe dum chye wa ai hte rau myit malai ai, sharai shading la ai majaw Karai Kasang a myit galu kaba hkam sharang ya ai hte mara dat hkyam sa hpe hkam la lu ai rai nga ai.

Hpang jahtum mungga hku nna, prat hta yak hkak jam jau hkrum ten ni hta, dai tinang hte tinang a wuhpung wuhpawng shagu, San Yawsep hpe kam hpa kam shamyit let akyu hpyi htinglu htinglai hkam la lu mu ga ngu akyu hpyi let Wa Sarabyin Francis, hpung shawa masha ni hpe tara laika sharin lamang mungga hpe ginchyum dat shangut da ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-02/pope-at-audience-follow-the-example-of-the-saints.html