Wa Sarabyin: Namukdara Gaw Shinggyim Prat Bang Shagu Na Masha Ni A Matu Karai Kasang Lajang Da Ya Ai Chyeju Kumhpa Re

Wa Sarabyin: Namukdara Gaw Shinggyim Prat Bang Shagu Na Masha Ni A Matu Karai Kasang Lajang Da Ya Ai Chyeju Kumhpa Re

Panama mungdan hta, March 2-3 laman galaw lai wa sai (8) lang ngu na Namukdara Hka Panglai hte seng ai nna hpawng ai "the 8th Our Ocean Conference hta shang lawm ai ni hpang de, Wa Sarabyin Francis, mungga shagun laika hte hkrum shaga dat hpe, March 6, bat langai ya shani, Vatican Shiga Dap kaw ndau da ma ai.

Dai zuphpawng a ga manoi ginlam gaw "Our Ocean, Our Connection", "Anhte A Namukdara, Anhte hte matut nga ai", ngu ai rai nga ai.

Namukdara gaw anhte hte seng ai rai nna, anhte a hkrang masa hte magam lit ni gaw namukdara hka panglai ni hpe makawp maga shatsawm jahtap na matu rai nga ra ai, nga nna Wa Sarabyin Francis shadum da ai.

Mungkan madang hku nna anhte yawng anhte a namukdara hpe makawp maga, shatsawm jahtuk sa wa ai gaw, prat bang shagu na shinggyim masha ni a akyu ara matu rai nga ai, nga nna mung kahtap sang lang da ai.

"Panglai makawp ga shaka", "High Seas Traty" nnan hte seng nna New York kaw myit hkrum lam tawn da sai rai nna, makawp maga na lit hpe gaw tinang mungdan jarit na namukdara hpe tinang makawp maga shatsawm na rai nga ai.

Ga shaka laika hta Cardinal Secretary of State Pietro Parolin kawn seng htu masat shagrin da ai.

Namukdara gaw hpan Madu jaw ya ai shinggyim myusha yawng a matu chyeju kumhpa rai nga ai. Namukdara gaw tu matu, hkrung mahkrung yawng ai matu ahkyak ai re majaw hpan Madu hpe mung namukdara hpe mung chyeju dum ra ai.

"Anhte a Namudara hpe anhte makawp ga!"

Anhte a myit mada shara dai kaw na apu asi hkam la lu na ga ai!

 

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2023-03/pope-francis-our-ocean-conference-panama-2023-message.html

 

Add new comment

11 + 8 =