Wa Sarabyin: Mungkan Matut Mahkai Nhtoi Hte Seng Nna Labau Maumwi Hkai Dan Na Matu N Gun Jaw

Wa Sarabyin: Mungkan Matut Mahkai Nhtoi Hte Seng Nna Labau Maumwi Hkai Dan Na Matu N Gun Jaw

24 May 2020, Vatican

Wa Sarabyin gaw Mungkan matut mahkai nhtoi hpe bai myit dum masat dingsat hku, Nawku Hpung a matu matut mahkai tsun shaga ai lam hte seng ai gaw da lam nnan hpe bai nhtang sumru na matu saw shaga da ai.

May 24, Laban shani na (Regina Coeli) Lamu Hkawhkam Jan akyu hpyi ga tsun ai shaloi, Wa Sarabyin Francis Mungkan matut mahkai nhtoi ang ai May 24 na shi a mungga hpe hpaw tsun da nga ai matut mahkai lam hte seng ai lam ni hpe Labau maumwi hte tsun hkai dan na matu rai nga ai.

Shawng lam de myit mada lam tawn ai labau maumwi ni hpe tsun hkai dan lu u ga matu Wa Sarabyin akyu mung hpyi ya nga ai.

“Daini na anhte langai hpra a mabying labau maumwi ni gaw anhte ngu ai hta grau kaba ai yawng a labau maumwi ngu ai hte shada tsun hkai garan gachyan let chye na hkap la nna, shawng lam de myit mada shara kaba hte kahpu kanau majing zawn shada garum shingtau nga sa lu mu ga.”

Dr. Paolo Ruffini, (the prefect of the Dicastery for Communication, Vatican News’ parent organization) Vatican Shiga Dap daju kawn Video hte shiga hta bang dat ai majaw Wa Sarabyin a Mungkan matut mahkai nhtoi mungga hpe grau shadan shalen shangun ai tai mat ai.

Dr. Ruffini tsun ai hta ahkyak madung gaw anhte ni a mahkrum madup ni hpe garan gachyan ai lam re. Dai gaw anhte hpe “hkye la na myit mada shara” jaw ai labau maumwi nnan rai wa na re ngu ai rai nga ai.

COVID -19 tsin-yam hkrum ai a majaw Karai Kasang hte grau sung ai hku matut mahkai la lu shaga ai ngu mung matut tsun da nga ai.

Shi gaw “Hka bra nga ra ai mahkrum madup gaw anhte ni rau hpawng de nga ga ai ngu ai myit salum hta nga ga ai hpe chye na wa saga ai. Dai zawn mahkrum madup nnga ai wa gaw nyan hpaji nnga ai, machye machyang mung nnga ai tai nga ai. Shada matut nlu ai labau maumwi gaw langai sha re ai maumwi hta lawm wa n re,” ngu tsun shadum da nga ai.

Yawng gaw anhte ni a myit mada shara ban dung tawn da ai hta sha hkan na re. Hkam ja lam njaw ai kap chyam bra ai ana kanu ni a pawng hpawm ai hpe myit masa Hkamja ai ni a pawng hpawm ai ladat hte gasat dang manga kau lu na ahkyaw ahkang nga nga ai.

Chyam bra ana zingli gaw anhte hpe wuhpung wuhpang shada da hkap tau hkap pang la hkat ai kaja ai matut mahkai lam ni hpe gaw de la na matu  shadum ya ai re.

Mungkan ting hta mung, buga kata hta mung, matut mahkai ai lam hpe Digital hte teng man jaw ang ai matut mahkai ai hta ru pawt madung da sa na ra nga ai.

Matut mahkai ladat gaw shada garan ginhka na matu nre; shada myit hkrum gahkying gumding na matu she rai nga ai. Dut mari na matu mung nrai nga ai. Ladat hpaji ni hpe laklai ai hku shada garum hkat na matu she rai nga ai.

Shada hkrum lu ai lam gaw jaw ang ai matut mahkai ai lam a ru pawt rai nga ai. Dai majaw anhte ni sut masa lam ni hta shada garan gachyan na matu gaw de ai ten ni hta shada hku hkau ai mahku mahkau lam ni hpe Internet zawn re matut mahkai ai lam ni hta hka ja nga ra ga ai.

Masha yawng mayawng gaw tinang a aten, atsam, ja gumhpraw hte akyu hpyi ai lam yan ni hku shang lawm ra ai nga nna Dr. Ruffini n gun jaw da nga ai.

Nawku Hpung gaw Matut mahkai ai lam yan ni hku gahkying gumding myit hkrum myit ra lam hpe garum lu ai. Matut mahkai ai lam yan hta jai lang nna jan ngam nga ai matut mahkai lam yan ni hpe arung arai shalai ai hta, machye machyang garan gachyan ai hta, bai, tsaw ra matsan dum ai lam galaw ai ni hta jai lang na matu aten du sai ngu matut shadum da nga ai.

Anhte tsun hkai dan ai labau maumwi shagu gaw masha hpe mani sai hte bai bai tsun dan lu ai akyu rawng ai maumwi rai na ahkyak nga ai nga nna Dr. Ruffini kawn Wa Sarabyin a Mungkan matut mahkai nhtoi mungga hpe lakap nna tsun da ai mungga hpe Vatican kawn ndau da nga ai.

24 May 2020, 12:12

Source : Vatican News