Wa Sarabyin: Majan Ten, Kazakhstan De Hkawm Sa Ai Hkrunlam Gaw Simsa Lam Lu Na Matu Hkawm Ai Re

image from Vatican website

September 21, bat masum ya shani, Wa Sarabyin Francis, Hpung Shawa Masha ni hte hkrum shaga ai ten, shi a (38) lang ngu na Apostolic Journey gaw simsa lam a matu, nuclear laknak hpe ninghkap ai hkrun lam re lam, hpung shawa masha ni hpe tsun dan wa ai.
Mungdan kaba hta Kahtawlik Nawku Hpung Masha gaw n law ai. Ndai masa hta raitim, makam masham hte sak hkrung ai rai yang gaw sasana galaw ai apu asi ni pu si lu lu na ra ai. Matsi, jum, nhtoi: ndai ni gaw Karai Kasang hta sha madung rai nga ai; shinggyim masha ni hte seng ai masa lam yan ni hta n re ai; kaji ai ngu shadu ai ndai chyeju kumhpa gaw Karai Kasang kaw na chyeju hkum sumhpa gun sa ya ai, nga nna Wa Sarabyin Francis hkaw tsun da ai.
Kazakhstan mung shawa masha ni hta na Muslim gaw tsa shadang (70%), Hkristan gaw (25%) rai nna, dai ni hta na law malawng gaw Russian Orthodox ni rai nga ai; Kahtawlik gaw (1%) a npu de sha nga ai.
Grai n law la ai sagu hpung rai nga ai, teng ai; raitim, galoi mung hpaw malang hkawm sa ai sagu hpung re, pat shingdang nna nga ai sagu hpung n re ai; Chyoi Pra ai Wenyi a shadut shatsam shamu shamawt ai hta hkawm sa ai, Shi a ra sharawng ai hta wanglu wangla hpaw malang nna hkawm sa ai sagu hpung re ai, nga nna hkaw tsun, n-gun jaw shana da ai.
Makam masham a majaw zingri zingrat hkrum ai majaw si wa nna sumsing mungdan du magang sai sanpra ai ni yawng hpe myit dum ai lam, chyeju mung dum ai lam, Madu Yesu a wudang gaw anhte a myit mada shara a matu galoi myit htum shangun n an re lam, Wa Sarabyin tsun da ai.
Kazakhsatan na Sagu rem Wa Saradaw ni hpe mung chye ju dum ai lam tsun da ai.
Kazakhstan mungdan gaw nuclear laknak galaw shapraw ai hpe n-gun n-jaw ai mungdan (a 'no to nuclear weapons) re lam, shingra makau grupyin hte seng nna kaja ai atsam dat ladat shaw makawp maga shatsawm sa na ma policies ni hpe ahkyak da masin jahkrat hkawm sa ai mungdan re lam mung chye lu ai.

By Fr. Patrick Gawmaw Hkawng Yae
#vaticannews
#rvakachinservice

https://www.vaticannews.va/en/pope/news/2022-09/pope-at-general-audience...

Add new comment

2 + 6 =