Wa Sarabyin: Majan Shabyin Ai Ni Gaw Shinggyim Myit Hpe Malap Mali Da Ai Ni Rai Ma Ai

March 2, bat masum ya shani, Wa Sarabyin Francis, “Majan shabyin ai gaw shinggyim myit n myit ai ni rai ma ai; Majan gaw mana bungli re,” ngu tsun shadum sadi jaw da ai.

Ukraine mungdan hta majan hpaw hpang ai Russiah hpye gumshen ai ni majan matut manoi shabyin nga ma ai majaw, Wa Sarabyin Francis, ya na zawn tsun shadum da ai rai nga ai.

Wa Sarabyin gaw, Ukraine hta, gumshen ai hpyen ni, majan matut manoi byin nga ai majaw matut manoi shadum let gap hkat majan hpe ya ya jang jahkring na matu matut manoi sadi jaw nga ai rai nga ai.

“Majan gaw mana bungli, shinggyim myit n rawng ai bungli re; nanhte a laknak ni hpe ya jang jahkrat kau mu,” ngu Wa Sarabyin, shadi jaw ai.

Shinggyim masha ni shada majan hpaw majan shabyin nga ma ai hpe grai myit yawn myit n pyaw let yawn kaba nga ai lam, Wa Sarabyin tsun ai.

Wanwu chya bat masum ya shani, Wa Sarabyin Francis, akyu hpyi, lusha gam, mai kaja bungli galaw let simsa lam a hkawhkam jan kanu Nu Maria gaw ndai zawn re ai shinggyim myit n myit ai mana bungli, majan shabyin ai lam ndai mungkan ga kaw nna makawp maga ya u ga matu akyu hpyi lamang ni hta shanng lawm na matu mung saw shaga da ai.

By Fr. Patrick Gawmaw Hkawng Yae

https://www.vaticannews.va/en/pope/news/2022-03/pope-francis-ukraine-war-humanity-peace.html