Wa Sarabyin Kawn World Youth Day Nhtoi A Matu Lisbon Kaw Bungli Hpe Lit la Woi Awn Hkyen Lajang Nga Ai Jauman Masha Ni A Shawang Tsawra Myit Kaba Lam A Matu Chyeju Dum Ga Tsun Lai Wa Ai Lam

Wa Sarabyin Kawn World Youth Day Nhtoi A Matu Lisbon Kaw Bungli Hpe Lit la Woi Awn Hkyen Lajang Nga Ai Jauman Masha Ni A Shawang Tsawra Myit Kaba Lam A Matu Chyeju Dum Ga Tsun Lai Wa Ai Lam

Wa Sarabyin Francis gaw Portugal Mungdan, Lisbon Mare kaba kaw, hkap la galaw sa wa na World Youth Day a matu, madu tai litla let woi awn hkyen lajang nga ai Jauman ni hte Shanhte a shawang tsawra myit kaba hta Kaba dik ai Amu Magam kaba hpe galaw ap nawng ya nga ai lam hpe chyeju dum dik ai hku nna Vedio Message hte shagun ya let tsun shana lai wa sai.

“ Tsawra ai Ramma Kashu Kasha ni e, Mungkan ting na Ramm ni a Hkrumzup Bawnban hpawng hpe galaw sa wa  lu na matu , nanhte grai shakut shaja nga ai hpe mu mada nga ai. Bai Ramma Shayi, Shadang ni yawng hte lata gindun let galaw nga ai hpe mung mu mada lu ai majaw grai chyeju dum ai lam tsun mayu ai. Kaja wa grai chyeju dum ai grau nna nanhte a ap nawng myit hpawang kaba a matu ” nga nna Wa Sarabyin tsun shana lai wa sai.

“Tsawra Myit Shawang Kaba ai lam gaw tsabyi si hte galaw da ai grai hkrak ai Wine (tsa) tsabyi ntsin hte bung pre nga ai, Dai Wine (tsa) tsabyi ntsin gaw hten mat wa yang, hpa nmai lang mat ai zawn sha, anhte a prat hta mung shawang tsawra myit hten mat wa yang, anhte a prat ni gaw myit kaji karen hpa tai mat wa let, lagawn lamawn ai prat de du mat shangun chye nga ai. Ndai “Shawang Tsawramyit ngu ai gaw Laika buk ni hta na sharin la mai ai hpan nrai nga ai lam hpe” tsun shana lai wa ai.

Ndai “Shawang Tsawra Myit” ngu ai gaw ya nang galaw shakut shaja nga ai , Ndai Mungkan Ting Na Ramma Nhtoi (World Youth Day) hta Ramma ni hkrum zup bawngban lu na matu kaba dik ai amu hpe galaw ai nga lam hpe tsun ai rai nga ai. Nang galaw shakut shaja ai Shawang tsawra myit kaba nga ai lam a majaw ngai grai chyeju dum nga ai lam” Wa Sarabyin tsun shana lai wa sai.

“Na a prat a myit yaw shada ai lam hpe hkum shamat kau u.Na a myit yaw shada ai lam byin tai wa hkra shawng de lahkam hkam let sit sa nga ra ai. Ndai Prat a yaw shada ai lam hpe shamat kau, jahten kau yang gaw nang gaw grai nga lagawn ai wa tai wa na re ai lam” mung hpe Wa Sarabyin n-gun jaw tsun lai wa ai. Dai majaw “Myit Yaw Shada Ai Lam” ngu ai gaw nang hpe myit pyaw , myit simsa ai lam hpe jaw ya lu ai lam langai rai nga ai. Ngai nanhte hpe shaman ya nga ai, Nanhte mung ngai hpe akyu hpyi garum ya nga marit. Ngai mung nanhte a matu matut nna akyu hpyi ya nga na. Du wa na “World Yout Day Nhtoi” hta Lisbon kaw bai hkum ga” nga nna, Wa Sarabyin tsun shana lai wa ai.

https://www.vaticannews.va/en/pope/news/2023-06/pope-thanks-world-youth-...