Wa Sarabyin Hte Celta Gawdin Kalap Hpung (Football Club)Hkrum Ai: Ginsup lam gaw Wuhpung Wuhpawng Hpe Ap Nawng Machyi Hkam Chye Ai Myit Hte Jawm Hpawm Magam Lam Hpe Sharin Achyin Ya Nga Ai.

 

Wa Sarabyin Hte Celta Gawdin Kalap Hpung (Football Club)Hkrum Ai: Ginsup lam gaw Wuhpung Wuhpawng Hpe Ap Nawng Machyi Hkam Chye Ai Myit Hte Jawm Hpawm Magam Lam Hpe Sharin Achyin Ya Nga Ai.

Wa Sarabyin Francis kawn Spain mung dang na Celta de Vigo gawdin wuhpung hpe tengman ai ginsup ai a lachyum ngu ai gaw wuhpung wuhpawng hte rau chye kanawn mazum shamu shamawt ai, hkam sharang ai, tinang a wuhpung wuhpawng a matu atsam dat shakut ai hte lu ang ai ah hkaw ah hkang ni hpe tam shakut ai lam ni rai nga ai hpe mung tsun lai wa ai.

Wa Sarabyin Francis kaw laiwa sai Bat Langai ya shani Vatican hta The Royal Club Celta de Vigo gawdin hpung na Ginsup ninghkring ni hte woi awn nga ai ni hpe (100) ning hpring hte rau hkap tau ai lamang ni hpe galaw lai wa ai. Celta de Vigo hpe lai wa sai 1923 ning hta Galicia mung daw Basque Mare kata na Vigo shara kaw nnan gawde hpang wa ai ginsup wuhpung mung rai nga ai.

Wa sarabyin Francis kawn Ginsup ai a lachyum ngu ai gaw anhte a prat hte bung nga ai “ lu ang ai ahkaw ahkang hpe chye tam la ra ai hte tinang a manu hpe tsaw hkra galaw shakut ra ai” ginsup ai lamang ni hta myit lawm hkum lawm let shang lawm ai hte wuhpung wuhpawng hte rau sha jawm shakut ai lam ni bai masha laga wa hpe mung manang zawn hkap tau la chye ai hte myit hkrum ai hte mungkan ga ntsa hta anthe ni yawng gaw hpu nau ni hkrai rai nga ai lam ni hpe kahtap nna mung tsun shadum lai wa ai.

Wa Sarabyin Francis kawn uhpung gaw sawm tsit nsam rai nga ai Nu Maria a lamu na nsam the maren sky-blue nsam ni hpe bu hpung da ai zawn shi a dai daw ai Mung dan na Argentina Gawdin hpung re ai lam mung tsun shana let matut nna kanu Maria kawn shi ra sharawng ai hte maren yu lakawn nga ai lam hpe myit sawn sumru yu nga ai lam hte Atlantic hka hkin gau lahkawng zawn anhte hpe gade garan nga tim anhte gaw Kanu Maria a majaw Myit hkrum nga lu ai majaw shi hpe galoi mung n malap lu nga ai lam tsun shana lai wa ai.

Wa Sarabyin kawn ya Celta na President galaw taw ai Carlos Mourino Atares a labau kadung hpe mung tsun shana lai wa ai.dai gaw( shi a shangai dai daw ai Vigo mare kawn hka din ai shara Atlantic hpe lai di let South Africa hta shi nta masha ni a matu shakut shaja lai wa sai, buga hpe shakram da ra ai majaw shi myit yawn hkrum ai lam ni mung nga lai wa sai rai tim ya Spain Mungdan shi a shara hta shi bai du wa na magam bungli gun hpai na matu shi hpe la taw nga sai.)

Wa Sarabyin kawn maga mi hku nna anhte shinggyim masha ni a salum gaw “sak hkrung nga ai shing nrai tawn kau da ra ai” ginlam daw chyen kaji amyu myu hte galaw lajang da nga ai, anhte ni mung sung sung myit yu yang anhte ni gaw myit hkrum nga ai lam hpe shadum ya nga ai hte anhte yawng gaw prat a mawru hta hkrun lam hkawm nga ai ni hkrai rai nga ai lam mung tsun lai wa ai.

Wa Sarabyin Francis kawn nawku hpung kata na laklai ai mabyin langai rai nga ai the Cross of St. James a lam hpe mung tsun shana lai wa ai ( nhtu hte bung ai udang, nhtu nhku hte bung ai  ta lahpun hkrang hte  (fleus de lis) aung dang ai a kum la ni). Anthe ni dai daw buga Galician hpe bai nhtang myit yu yang moi shawng nnan byin lai wa ai sai Kasa a sai daw sai chyen Udang u matu hkrat lai wa sai a majaw Europe hta sha n-ga anhte Christian ni yawng hpe kahkyin kumdin wa shangun ai lam hpe mung tsun dan lai wa ai.

Wa sarabyin kawn The Cross of Saint James mabyin hpe madi madun let ginsup ai shara the anhte a prat hta anhte ni n shadu da ai anhte a lak nak kaji ni rai nga ai, shagrit shanyem ai kawn hpang sa wa nna aung dang lam lu ai, langai hta chyu sha n machyu na rau jawm shakut ai, bai nna anthe a aung dang na pan dung hpe yawng chye na da ai. Bai nna tinang a hkum hpe myit lawm hkum lawm hte manang a majaw sak jaw ap nawng ai myit masin ni mung ra nga ai lam tsun shana lai wa sai.

“Mungkan hta Ginsup ai lam hta wuhpung wuhpawng myit rawng na gaw ah hkyak dik rai nga ai, dai myit nrawng ai ni gaw hkrat sum ai lam sha lu la chye nga ai”

matut nna Wa Sarabyin tsun ai gaw tinang hkum hpe masha ni the shingdaw ai lam gaw gara hku rawt jat wa na, hkaja ra ai, san jep ra ai, ginsup ra ai hte seng nna myit sawn dinglik la let shakut na matu hkap la chye ra ai lam hpe mung tsun lai wa sai.”

Matut nna mung anhte ni masha u-ga ni hpe tinang hte shingjawng ang ai masha hpe hkungga ai htan grau ai gaw galoi mung manang zawn chye hkalum la ai lam rai nga hpe mung tsun shadum lai wa sai.

anhte ni tinang a prat hte ginsup ai lam gaw langai hte langai zawn rai nga yang anhte ni hpun da ai nsam na myit rawt ai hpe n yu ai sha, anhte kata na tsawra myit gaw hpa hpe gawng malai tai ya nga ai hpe sha madun da ra ai lam hpe mung tsun lai wa ai.

Ndai ahpraw the sawm tsit dawng hkawn (white hte blue flags) ni ndai  San James a lam gaw anhte hka panlai hpe lai di lu let dan langai hte langai hpe kahkyin gumdin shangun ai lam rai nga ai, anthe ni shi hta kam hpa nga ai hte maren Karai kaw na rap ra ai chyeju lu la na hpe myit mada a la nga ra ai lam mung tsun lai wa sai.

Hpang jahtum hku nna Wa sarabyin kawn ginsup lamang a pyaw hpa lam hpe galoi mung rawng nga hkra hkan shatup taw na gaw ahkyak dik rai nga ai hpe tsun shadun n-gun jaw lai wa sai. Anhte ni ginsup ai lam hta myit pyaw ai lam n nga mat yang gaw tsawra myit n lawm ai sha sut masa lam a matu sha re ai ginsup lamang ni tai mat na hpe chye da ra nga ai.

https://www.vaticannews.va/en/pope/news/2023-07/pope-to-celta-team-sport-teaches-sacrifice-and-fraternity.html

Add new comment

3 + 2 =