Wa Sarabyin: Hkristan Sak Prat Hte Sakse Hkam Gwi Ga

March 4, bat kru ya shani, Wa Sarabyin Francis, London kaw galaw ai sak ram ramma ni a the 5th CYMFed "Flame Congress" hta shang lawm ai ni hpang de hkrang mu nsen na video message hte mungga shaga ai hta shai hkat ai lam nga ai raitim Hkristu a mying ningsang hta hpu nau myit hte rau hkawm sa gwi nga mu nga nna Ramma ni hpe n-gun jaw da nga ai.

England hte Wales mungdan kaw na sen hku re ai Kahtawlik Ramma ni London na OVO Arena Wembley kaw dai shani galaw ai "Flame Congress hta yawng lawm ma ai lam chye lu ai.

Ndai Congress hpe gaw Portugal, Lisbon kaw, du na August 1-6 laman galaw na rai nga ai (37) lang ngu na World Youth Day hta nhtoi (150) jau nna galaw ai hpawng rai nga ai.

"Rise Up" "Rawt Jan Rai Nna" ngu ai Ga baw ga manoi hpe lata la ma ai. San Luka a Kabu Gara Shiga "Maria gaw alawan rawt sa wa ai" (Lk 1:39) hpe lakap nna la da ai ga baw ga manoi rai nga ai.

Kahtawlik Ramma ni hte wenyi lam hku nna ni ni htep htep rai nga ai lam Wa Sarabyin Francis tsun shana da let Karai Kasang gaw shanhte hpe aten shagu law htam ai hku shaman ya u ga, nga nna akyu hpyi shaman da ya ai.

"N bung hkat ai, shai hkat ai lam ni nga ai hpe hkap la nna tinang a shaga la ai lam, akyu hpyi ai lam, simsa lam, yawng a akyu ara lam, matsan mayan ni hpe tsaw ra ai lam, shinggyim hku hkau lam  a matu shawang myit hte garum shingtau hkat ai, daw jau ai, hkam sharang ai, mara dat ya ai, sadi dung ai lam ni a tsawm htap ai hpe mungkan ting hpe sakse hkam sa wa gwi ga," nga nna Wa Sarabyin sak ram Kahtawlik Ramma ni hpe n-gun jaw saw shaga da nga ai.

Hpang jahtum ginchyum dat hku nna, Wa Sarabyin Frncis, Yesu Madu a hpaji byeng-ya, kabu pyaw lam, hte simsa lam gaw Kahkawlik Ramma ni hte rau nga nga u ga akyu hpyi shaman ga sadi hkam da nga ai.

 

By Fr. Patrick Gawmaw Hkawng Yae

Add new comment

12 + 6 =