Wa Sarabyin Gaw: Hpunau Ni, Karai Kasang A Tsaw Ra Atsam Hte Galai Shai  Lu Na Matu, Garum Ya Ga

Wa Sarabyin: Hpunau Ni, Karai Kasang A Tsaw Ra Atsam Hte Ga Lai Shai  Lu Na Matu, Garum Ya Ga

July 12, bat lahkawng ya shani, Commission for Catholic-Pentecostal Dialogue gaw de hpang ai (50) ning hpring lamang hta, Wa Sarabyin Francis, “manhkrum hkrum shaga ai lam hpe matut manoi galaw sa wa na hte Kabu Gara Shiga hpe prat hta hkan nna ningnan re ai sharawng myit hte hkaw tsun, shachyam shabra nna, Karai Kasang a tsawra myit hpe hkam la lu na lam madun ga, ngu tsun da nga ai.

Wa Sarabyin Francis gaw, ndai Commission for Catholic-Petecostal Dialogue gaw de hpang ai (50) ning hprang masat dingsat a matu, July 8 ya shani hta, tau nau masat masa galaw da ai hpe, “Vatican’s Discastery for Promoting Christian Unity website” kaw ndau da sai rai nga ai.

1972 shaning hta gaw de hpang ai “Commission for Catholic-Prtecostal Dialogue” a yaw shada ai pandung gaw “makam masham lam hpe hkungga manu shadan nna grau chye na hkawn hkrang wa na hte dai hpe tatut hkan shatup hkrang shapraw sa wa lu na matu, gaw sharawt na matu rai ng ai lam, Dicastery’s website kaw shapraw da ai ndau laika hta tsun da nga ai.

Ndai zawn hpawng de hkrum shaga ai hta, jiwoi jiwa ni kaw na yu hkrat wa ai manu dan sharin shaga lam ni hte garan kachyan hkat ai hte shani shagu akyu hpyi nawku daw jau ai lam ni hpe madung galaw ai re lam chye lu ai.

Wa Sarabyin Francis gaw (50) ning hpring Catholic-Pentecostal Dialogue Commission hta shang lawm ai ni yawng hpe hku hku hkau hkau hkrum shaga let, dai Commission hta shang law ai ni hte lamang shabyin shatai hpung ni yawng hpe chyeju dum ga mung tsun da nga ai.

Kabu Gara Shiga Chyum Laika Hpe Ndau Shachyam Shabra Ai Ladat Ningnan Ni Tam Galaw Sa Wa Ga, ngu mung Wa Sarabyin hpaji jaw, n-gun jaw, saw shaga da nga ai.

Lai wa sai manga shi (50) ning laman hta ndai Commission gaw, Kahtawlik hte Pentecostal makam hpung masha lapran nihtep, tsawra, kahkyin gumdin nga pra let shada myit manoi myit kap ai lam hpe gaw de sha wa lu na matu, ahkyak da hkrum shaga bawngban, sumru ai la let rau hkawm rau nga lai wa sai lam mung Wa Sarabyin Francis matut tsun dan da ai.

Karai Kasang a akyu hpyi ga ni hpe sakse hkam ai rai yang, yawng gaw langai sha rai nga na hte hpu nau shada hkam sha ai mahkrum madup hpe hpu nau shada a masin salum hta hkam sha shangun na; Karai Kasang a tsaw ra, kabu gara ai hte simsa lam ni hpe mung jaw bang ya hkat lu ai, nga nna mung shadum sharin shaga da ai.

Hpang jahtum mungga hta dai Commission hta shang lawm ai ni hpe shi a matu akyu hpyi ai hta shalawm ya na hte shanhte a matu mung akyu hpyi ya ai lam tsun let shanhte a kun dinghku masha yawng Karai Kasang a hpaji byen-ya, kabu pyaw lam hte simsa ai shaman chyeju hkam la lu mu ga matu akyu hpyi da ya nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-07/pope-encourages-continued-dialogue-of-catholics-pentecostals.html