Wa Sarabyin Franics: Prat Hkrun Lam Hta Tinang Hkrai Sha N Rai Nga Ai

Wa Sarabyin Franics gaw St.Peter's pa kaba hta Angelus ngu ai lamu kasa kyu hpyi ga hpe tsun woi awn let hkristan hpung masha ni hpe Karai a mungga hte sacramentu a chyeju kumla ni a marang e Karai Kasang hpe grau nna bai kam hpa shamyet shanat let tinang a prat hpe gaw gap sa wa na matu saw shaga lai wa ai.

      Matthe a kabu gara shiga hta ''masha ni Masha Kasha hpe kadai re ai, nga ma ta?''(Mt 16:13-20) ngu nna tsun da ai hpe Wa Sarabyin Franics hku nna anhte mung anhte hkum nan san la ra ai ga san rai nga ai ngu nna tsun lai wa ai.

Angelus lamu kasa akyu hpyi hpawng a matu St.Peter pa kaba hta sa du nga ai kam sham ai masha ni hpe Wa Sarabyin kawn  shawa hku nna Madu Yesu hpe ''hpung rawng ai sara, a lak mi re ai masha: kaja ai wa, dinghpring dingman ai wa, galai kashai ai lam n nga ai wa, nden marai rawng ai wa...'' nga nna matsing sumhting tsun lai wa ai..Raitim, Wa Sarabyin hku nna matut tsun ai lam gaw labau a dat kasa hku sha nrai , tsan nga ai myi htoi langai zawn rai nga ai Madu Yesu a matu ndai lam gaw n ram shi nga ai, shi gaw anhte a matu daini du hkra nang e anhte hte rau nihtep ai hku  nga nga ai Karai Kasang rai nga ai ngu nna tsun lai wa ai.

        Wa Sarabyin Francis hku nna tsun sanglang dan mayu ai gaw Hkristu gaw moi na prat lam hpe n matsing ya ai sha daini anhte hte rau nga nga ai ahkrung nga Karai Kasang she rai nga ai nga nna tsun lai wa ai..

Madu Yesu gaw asak hkrung ai hte anhte a makau e ginrun nang nga ai. Bai Shi gaw anhte a makau e galoi mung nga nga nna, anhte a sak prat hkrung lam a matu shi a mungga hte shi a shaman chyeju gaw anhte a matu ninghtoi jahtoi ya nna n-gun ban ya nga ai nga nna Wa Sarabyin kahtap jat tsun lai wa ai.

 ''Shi gaw, kung kyang ai hte hpaji rawng ai hku lam woi ning shawng tai ai wa langai rai nga ai, shi a yak dik hkrun lam ni hte ndep lu ai bum nhkem ni hta anhte ni hpe lam woi ningshawng tai let hkan sa ya ai lam hpe myit pyaw ai wa rai nga ai.”

Kam sham ai masha ni a matu pahkam hkam da ya ai dai lam gaw galoi mung shanhte a prat hkrun lam hta langai sha n rai nga ai ngu hpe Wa Sarabyin hku nna tsun lai wa ai. Bai Hkristu gaw Petru hte kaga shi a sape ni hte rau nga nna sasana magam galaw lai wa ai zawn daini e mung anhte hte rau nga nga ai hte anhte a prat hkrun lam hpe garum madi shadaw ya nga ai hpe tsun lai wa ai.

   Daini na kabu gara shiga hta Pataru gaw ndai lam ni hpe chye na nna ''Hkristu ngu ai sak hkrung nga ai Karai Kasang a Kasha'' Madu Yesu hta de a chyeju akyu ara a marang e matsing masat da hkrum ai moi na hkrang shala masha zawn n re, Hkristu ngu ai hkyela madu Messiah nan rai nga ai, ahkrung nga ai Karai Kasang a kasha gaw Masha hpe hpan nna anhte a sak prat hkrun lam a matu shakut shaja nga ai lam hpe maren mara hkam la na matu du sa wa ai rai nga ai nga nna Wa Sarabyin matut tsun lai wa ai.

Madu Yesu hte rau rai yang anhte hta n mai byin ai lam hpa mung n nga ai

Wa Sarabyin Franics tsun lai wa ai hta kalang marang''Hkristan sak prat a pan dung gaw grai  tsaw taw nga chye ai hte hkrun lam gaw grai nan hpring chyat nga ai'' ngu nna tsun yang anhte a makau hta anhte hte rau hkawm sa nang nga ai Madu Yesu a kasi hpe yu la ga, shi gaw anhte a ra rawng gawng kya ai lam ni hpe hkap la ya ai, bai anhte a shakut shaja ai lam hpe garan hkam la nna anhte a gawng kya nga ai lahpa ntsa hta shi a ngang kang ai ta lahpum hpe jaw ya rit ngu nna tsun lai wa ai.

    ''Shi hte rau ni htep ai hku nga nga ai zawn, anhte mung shada da shingbyi nna pawn ba hkat let, anhte a makam masham lam hpe bai gaw gap sa wa ra ai, Madu Yesu hte rau rai yang anhte yawng hta nmai byin na re ngu nna shadu da ai lam ni byin wa lu ai''.

Ga hpungdim hku nna Hkristan hpung masha ni hpe Karai Kasang hta kam sham myit manoi na matu, bai Karai a mungga hte sakramentu chyeju kumla ni a marang e anhte a prat hkrun lam hpe bai gaw gap sa wa na matu uhpung kata e nga ai tinang a kahpu  kanau ni hpung masha ni yawng hte rau prinem simsa ai hku nga nna Karai Kasang a lam woi matsun madun ai hpe hkam la lu nna asak hkrung hkawm sa na matu saw shaga lai wa ai.

Add new comment

1 + 13 =