Wa Sarabyin Francis Kawn Kam Sham Ai Hpung Masha Ni Hpe Shi A Mongolia De Sa Ai Sasana Hkrun Lam A Matu Akyu Hpyi Garum Ya Na Hpe Saw Shaga Lai Wa Ai.

Wa Sarabyin Francis Kawn Kam Sham Ai Hpung Masha Ni Hpe Shi A Mongolia De Sa Ai Sasana Hkrun Lam A Matu Akyu Hpyi Garum Ya Na Hpe Saw Shaga Lai Wa Ai.

Lai wa sai bat masum ya shani, Wa sarabyin Francis kawn kam sham ai hpung masha ni hpe shi a Apostolic (sasana magam) hku nna Mongolia de rawt sa wa na hkrun lam hta akyu hpyi ai the shang lawm garum na matu garum hpyi tsun lai wa sai hpe chye lu ai.

Wa sarabyin kawn Bat masum ya shani shagu na Spanish-speaking pilgrims ngu na nawku bu hkawm masha ni hte hkrum shaga ai hpe shi a matsing hpa hku nna bang da ai, bai nna Bat Mali ya shana maga e shi rawt sa wa sa shi a sasana hkrun lam the seng nna mung ka shadum da sai hpe chye lu ai.

Wa sarabyin kawn Mali ya tup Asian Mungdan hta aten jaw let Kam sham ai hpung masha marai 1500 daram hpe Nawku hpung gaw galoi mung matut mahkai ai hte ni htep nga ai lam hpe shapraw dan ai lam galaw lai wa ai hpe chye lu ai.

Wa sarabyin  hku nna mung Ya na zawn Mogolia mungdan na mung uphkang nga ai asuya ni kawn saw shaga lai wa ai majaw chyeju dum ai ga tsun lai wa ai hte ngai y ana zawn du sa wa lu na matu ap nawng machyi hkam sai ni rai myit dai nga nna Mongolia na asuya ni hpe shakawn ga tsun lai wa ai hpe chye lu ai.

Daini e sep, praw 1 ya shani hta Wa sarabyin gaw Mongolia e nga ai nawku hpung masha kahpu kanau ni hpang de du nga sai re hpe chye lu ai. Wa sarabyin Francis gaw (43) lang na shi a sasana hkrun lam (Apostolic journey) hpe Aungust 31 kawn na September 4 du hkra Mongolia kaw nga na lam hte Mongolia gaw shi a sa du gawan ai (61) ngu na mungdan mung rai nga ai. Bai, Wa Sarabyin Francis gaw Sarabyin ni hta na Mongolia de shawng ningnan du ai sarabyin rai nga ai hpe mung chye lu ga ai.

Add new comment

1 + 10 =