Wa Sarabyin Francis Kawn “Inclusion And Hospitality”Lam Hte Daw Jaw Ai Lam Hte Seng Nna Venice Kaw Galaw Ai Missa Hkungga Hta Tsun Lai Wa Ai Shiga Bang Shalawm Ai

 

Wa Sarabyin Francis kawn “Inclusion And Hospitality” bang shalawm ai lam hte Daw jaw Ai lam hte seng nna Venice kaw galaw ai Missa hkungga hta tsun lai wa ai

Wa Sarabyin Francis kawn, Venice kaw nga ai San Mark Shawa pa kaba hta galaw ai Missa hkungga hta anhte ni hpe nta a matu hkrum kadup ai, shang lawm ai hte tsawra myit hte rau pawn ba ai (encounter, inclusion and care) ndai lam ni hpe tsun let tsawm htap ai lam gaw masha shagu lu la mai nga ai hpe tsun lai wa ai.

Wa Sarabyin Francis kawn lai wa sai Laban ya shani San Maku shawa pa kaba kaw galaw ai Missa hkungga hta du sa ai hpung masha ni marai 10500 hpe “Venice gaw anhte yawng a matu tsawm htap ai kum la langai rai nga ai” dai zawn sha anhte mung kahpu kanau shada da hte nta masha shada da tsawra myit hte pawn ba hkat ai a kum la mung rai nga ai hpe tsun lai wa ai.

Wa Sarabyin kawn shi a Shani chyingdaw mi hpe Venice kaw gawan hkawm ngut ai hpang  Missa hkungga hpe laklai ai hku San Maku shawa pa Kaba  hta galaw nna shi a gawn ai a madung yaw shadaw ai  theme ngu na“Madu christu a tsawra myit hta kahkying kumdin nga ga” (remaining united in the love of Christ) hpe tsun lai wa ai. 

Anhte ni Hkristu hta manoi nga yang she chyum mungga hta tsun da ai  apu asi ni rai nga ai sim sa lam hte rap ra lam, anhte a makau grupbyin hte anhte shinggyim masha matut lit la ra ai lam ni hpe shada da chye na let tsawra myit hte rau pawn ba ai hpe tatut hta hkrang shapraw lu wa na hte makawp maga lu ai hpe tsun lai wa ai.

“Anhte a Christan wuhpung wuhpawng, makau grupbyin, kahtawng, mare hkan hkap tau hkalum la lu na matu anhte ni yawng tsawra ai myit hte shang lawm karum nna masha yawng hpe karum shingtau ai shara tai hkra galaw ra ai” hpe tsun lai wa ai.

Wa Sarabyin kawn yawhan a kabu Gara shiga hpe la kap nna Madu Yesu gaw sabyit hpun rai nna anhte kam sham ai kashu kasha ni gaw shi a lakun lakyin rai nga ai lam hpe tsun lai wa ai.

“Nang hte kaw ngai nga ai zawn ngai hta manoi nga mu” “ngai hta manoi nga ai kadai mung,ngai hta nga nga ai majaw asi law law si wa na ra ai”.anhte hte Karai Kasang rau matut mahkai ai lam hpe galoi mung galaw nga na hpe tsun lai wa ai.

“Anhte ni sabyit sun hta asi law law si na matu ahtsam dat nna gawn lajang ra ai zawn anhte a prat hta mung Karai Kasang a tsawra myit rau sak hkrung hkawm sa yang grau nna tsawm htap wa na re ai” hpe tsun lai wa ai.

Madu Yesu rau matut mahkai nga ai gaw anhte hpe Wanglu sanglang sanglawt hku sak hkrung hkawm sa shangun ai

Wa Sarabyin kawn sabyit ntsin shapru ai shara hte seng ai Venice a hkrang hte labau na tsawm htap ai hpe ginhpawn nhtawm shi a ning mu hpe jat bang let Lagoon Island kaw put pru kaba wa ai Sabyit hpung law law hte dai sun shara hte matut taw nga ai Mare kahtawng hte lam ni law law nga ai hte dai shara hpe kahtawng mare na Jau ni kawn sabyit ntsin shapraw galaw nga ai lam ni hpe tsun lai wa ai. 

Wa Sarabyin kawn sabyit ru hte shi a lakun lakyin a ga shadawn hpe lachyum hta la na yak ai hte Madu Yesu hpe kam sham ai, shi hte rau anhte ni pawng nga ai a marang e anhte hkum anhte a ahkaw ahhkang ni hpe gyit hkang da ai lam n rai nga ai hpe tsun lai wa ai.

 Maga Mi hku yu ga nga yang dai gaw Karai Kasang a tsawra myit ntsin hpe lu na matu anhte hpe myit jahpaw ya ai, anhte a kabu hpa lam law law hpe jaw ya ai rai nna “a skilled vintner” langai zawn anhte hpe yu gawn lajang nna ga sau n nga ai shara hta pi anhte hpe tu pru wa lu shangun ya ai lam hpe tsun lai wa ai.

“Venice gaw anhte ni galoi mung hkrum zup let shada da htunghkyin garan kachyan ai shara rai nna hpang jahtum kaw nna hpang let anhte ni yawng a shawa nta a matu kahpu kanau shada da yu gawn karum shingtau ai kumla langai zawn anhte masha shagu lu la mai ai tsawmhtap ai shara langai hku masat tsun lai wa ai.”

Wa Sarabyin kawn “visit theme” hpe kalang bai tsun san lang dan lai wa ai. “Madu Christu hta myit dik ai lachyum gaw” shi hte anhte a matut mahkai ai lam jat wa na, shi hte rau ga shaga ai aten ni law wa na, shi a mungga hpe hkap la kam sham nna shi matsun da ai lam hku shi a mungdan de shang wa lu na matu hkan nang hkan sa ai lam re hpe tsun lai wa ai. Dai gaw anhte hpe aten tup rawt jat kalu kaba WA shangun ai, mahkrum madut jat shangun ai hte tatut hkan sa shangun ai lam rai nga ai.

 Anhte ni Karai Kasang hta nga taw ai gaw shi a sharin achyin ai hpe hkap la kam sham nna, shi a tsawra myit hpe hkap la let anhte a wuhpung wuhpawng ‘Communities’ kata hta tsawra myit hpe madung da nna tara rap ra ai, sim sa ai hte sha da da kahyin kum din ai apu asi ni hpe byin shangun ai shi a kasa ni zawn hkawn sa ra ai hpe tsun lai wa ai.

Wa Sarabyin Francis kawn Venice a tsawmhtap ai a shingwang hpe la nna ahkyak ai gin lam langai hpe tatut hkan galaw na matu hpyi shawn lai wa ai. Mare kata mayak lam law law hkrum sha ra ai, lamu marang shingra Tara a adawt ai hpe hkrum sha nga ai lam madi madun nna anhte a makau grup byin hten za wa ai lam ni gaw anhte shada da a lai leng nga sat nga sa ai lam ni hte htunghkying ni hpe hten za wa shangun ai majaw anhte a makau grupbyin hte shingra maka a labau shang sutgan ni kyem zing na matu sadi sahka nna lata nna galaw ra ai hpe tsun lai wa ai.

“Anhte a Christan wuhpung wuhpawng, makau htingbu hte Mare ni hpe anhte ni yawng chyawm shang lawm let inclusive and hospitality shara byin hkra galaw na matu ra kadawn nga ai” hpe tsun lai wa ai.

Sabyi ru hte shi a lakun hpe shakawn shagrau da ai hpe wa Sarabyin kawn Mungkan hta tsawm dik shara langai hku nna masat da ai n dai Mare hpe hka n tsa e gaw de da ai hpe anhte myit sawn yu mai nga ai hpe tsun lai wa ai.

Wa Sarabyin Francis kawn“Venice mare gaw hka ntsa e gaw de da ai mare rai nga ai, dai hpe sin hkang nna galaw lajang ai lam n nga ai rai yang shi a tsawm htap ai shing wang ni grin na n mai byin ai. Dai zawn sha anhte a prat hpe mung Karai Kasang a tsawra a hka nu ngu na hta galoi mung tsing taw ra ai lam hpe tsun lai wa ai.

 

Add new comment

10 + 1 =