Wa Sarabyin Francis Gaw Ukarine Mungdan Hpe Karum Shingtau Madi Shadaw Ya Ai Lam A Matu Shakut Shaja Ya Ai Majaw“ Simsa Lam A Sumla Hkrung”(“Cenima For Peace”) Kumhpa Hte Shagrau La Ai Hpe Hkap La Ai Lam

Wa Sarabyin Francis Gaw Ukarine Mungdan Hpe Karum Shingtau Madi Shadaw Ya Ai Lam A Matu Shakut Shaja Ya Ai Majaw“ Simsa Lam A Sumla Hkrung”(“Cenima For Peace”) Kumhpa Hte  Shagrau La Ai Hpe Hkap La Ai Lam

“Sumla Hkrung” ngu ai gaw Mungkan hta nga ai manu shadan ai lam hte galai shai wa na lam hta n-gun jaw madi shadaw arang bang nga ai lam langai mung rai nga ai. “ An International organization” hpe gawgap hkrang shapraw galaw woi awn wa ai Jaka Bizili gaw Ukarine mungdan masha ni hpe karum shingtau madi shadaw ya lu na matu, lai wa sai laning mi jan kaw nna “Cenima For Peace” kumhpa hpe Wa Sarabyin Francis hpe shagrau jaw lai wa ai rai nga ai.

“Simsa Lam a maga tsap ai tengman masha” hte “ ah zim sha hte nga taw ai Karai Kasang a sape” ni gaw lai wa sai Ukarine majan laning mi jan ngu na ladaw laman hta , tinang dangdi dangdep ai daram yawng hpe karum shingtau ya na matu saw shaga nga ai hte, majan tsin-yam hkrum sha nga ai ni yawng ngwi pyaw simsa wa lu na matu ,bai ma ni a shawng lam a matu karum shingtau madi shadaw lu na matu, hpyen ni a lata hta rim da hkrum nga ai masha ni yawng hpe dat ya lu na matu mung shada jahkrum bawngban ai lam galaw lai wa sai. Masha shagu hpe tsawra myit hte karum shingtau ai lam hta madi shadaw ya ai Wuhpung Wuhpawng hpe hkrang shapraw da nga ai hta Ukarine hta nga ai karum madi shadaw ra nga ai mungdan masha ni hpang de karum shingtau ai lam hte machyi masha ni hpe htaw sa ya na matu “Ambulance” mawdaw ni hpe mung sa da ya nga sai. Shawng nnan na gap hkat hpang wa ai shani hta mung Russia mungdan de sa du nna, “gap hkat jahkring na lam” hte seng nna “President Putin” hpang de matut mahkai lam ni mung galaw  lai wa ai.

Matsing Sumhting  lam “Recognition”

Ndai “ In Eastern Europe” majan ni hte seng nna shingdu maga hku madi shadaw ya nga ai “Wa Sarabyin Francis” a madi shadaw ya nga ai lam ni hpe sawk sagawn matsing masat da ai jahpan ni hte rau , “Slovenian-born” Slovenia hta shangai dai daw ai, Laika ka Sara kaba hte Producer hpe, Hpa majaw shi Ndai “Cenima For Peace” ngu ai kumhpa hpe Wa Sarabyin hpe lata nna jaw lai wa ai lam hpe mung tsun sang lang dan nna, Mr.Bizili gaw shi hkum nan sa du let Santa Marta kaw June shata (27) ya shani kaang hta sa du shagrau lai wa sai mung rai nga ai.

Ndai Kumhpa gaw Mungkan madang sut masa lam,mung masha lam-yan, mung masa lam hte, majan hte adip arip roi rip ai lam ni hpe ninghkap let, masha shada da karum shingtau chye na hkat na lam ni hte seng nna, byin wa ai lam mahkra hpe matsing sumhting lu na matu yaw shada let September shata (11) ya shani “Twin Towers” marun towers lahkawng hpe gap jahten ai hpang hpaw ninghtan da ai Wuhpawng langai mung rai nga ai.

2008 Ning, “Cenima For Peace Foundation” gaw grau nna kaja ai shawnglam mahkra a myit mada ai lam ni hte tengman ai hku sang lang ai lam ni hpe galaw ya nga ai hta, n teng n man ai hte n tara ai lam ni hpe “Wan nan” madi madun sa wa lu na matu, yaw shada ai hte sumla hkrung kayat ai kawn nna galai shai wa lu na matu hte manu shadan chye wa ai lam ni rawt jat galu kaba wa lu na lam a matu, karum shingtau madi shadaw ya nga ai, “Arang Amyat” n la ai Wuhpung Wuhpawng langai hku nna mung shangai chyinghkai wa sai re. Lai wa sai Shaning ni mahkra hta mung “Dalai lama” hte “Nelson Mandela” ngu ai Hollywood sumla hkrung shayi,shadang ni hte shanhte a dinghkrai atsam marai (“Personailities”) rawng let, ahkyak ai lam ni hte ka kayat da ai sumla hkrung ni hpe mung madi shadaw nga ma ai.

Sat Kau Hkrum Ai Ma Ni A Matu Yaw Shada Let

Ya ten hta, Wa Sarabyin Francis gaw “Nu Maria” a “ tsawra myit hte gyit hkang da ai kumla hpe mu mada lu ai Santa Marta Hall kata hta Mr. Bizili kawn, dan dawng ai myit ni hpe hkam sha shangun let “ Shagrit Shanem ai kumla” hte jaw ai kumhpa hpe hkap la lai wa sai rai nga ai.

Kumhpa shagrau ai a lachyum gaw Roma Myo kaw nga ai Wa Sarabyin a masha shada karum shingtau chye ai myit hte galaw lai wa sai rai nga ai, ma kaji ni hpe karum shingtau ai lam kaw nna hpang wa let, Ukarine majan laman hta jam jau jam hkau hkrum nga ai mung masha ni hpe karum shingtau ai lam ni hpe galaw lai wa ai majaw rai nga ai. Bai nna, Ndai Kumhpa (Award)gaw, “ In Eastern Eruope” ngu ai mungdan shagu hta sat kau hkrum nga ai ma ni hpe myit dum yaw shada ai lam langai mi mung rai nga ai.

Dai lam ni hta Mr. Bizili gaw lai wa sai shaning 2022, March shata (8) ya shani gap hkat ai a majaw si hkrum mat sai Laning mi re ai ma a matu grai myit n pyaw let, dai lam hpe myit dum shingran nga ai lam mung Wa Sarabyin hpe tsun sang lang lai wa ma ai. Dai ma a Kawa ngu ai wa gaw, Eruope Dakkasu jawng langai hta bat lahkawng ya shani na, san jep, htai ai lamang hta sa du shang lawm taw nga ai hte Ukarine mungdan majan hte seng ai hta Simsa lam lu na matu myit rawt ai hte majan hpe ninghkap ai “docufilm, Freedom on Fire- Director Evgeny Afineevsky rai nga ai. “Shi a kasha ni gaw ...grau kaja ai sumsing mungdan hta du nga sa na hpe “ ngai kam ai ngu nna Mr. Bizili kawn tsun lai wa ai.

Ndai gaw Shi a Karai Kasang hpe kam ai makam a majaw lu la ai myit malai ai lam langai rai nga ai. Dai hta sha n-ga, Wa Sarabyin Francis gaw ndai shata tup mungga hte sadi jaw nga ai lam ni mung rai nga nna,... “ Nang gaw masha ni yawng hpe myit mada lam jaw ya lu nga ai.. dai myit mada ai lam hpe jaw ya lu ai mung kabu hpa, arawng la hpa chyeju langai rai nga ai ngu ai lam hpe ading tawk tsun lai wa ai. “ kashu kasha ni si hkrum lai mat wa sai Kanu Kawa...sen sen mun mun ni gaw Na majaw, myit mada lam lu la nna, shanhte a kashu kasha ni gaw sumsing mung dan hta du nga sai lam hpe mung kam sham nga ga” ngu nna mung tsun lai wa ai. “ Nang gaw masha ni yawng hpe myit mada ai lam jaw ya lu ai hte kasi yu la mai ai masha rai nga ai “ ngu nna “the founder of Cinema For Peace” kawn Wa Sarabyin hpe masat matsing dat ai lam hpe English ga hku tsun shana lai wa sai.

Bai kahtap nna, .... “ Karai Kasang a tengman ai Sape Langai nan rai nga ai lam hpe tsun lai wa ai. “ Mungkan ntsa nga ai masha ni yawng hpe simsa lam jaw ya lu ai ahkyak dik ai masha langai rai nga ai. Hkristan hpung masha ni hta sha n-ga, Mungkan masha ni yawng a matu katsi kaja la mai ai wa rai nga ai. Anhte ni yawng shi a matu akyu hpyi ya nga ga...Nanhte mung nye a matu ja ja akyu hpyi karum ya rit.. nga nna Wa Sarabyin tsun lai wa sai.

Wa Sarabyin Francis mung “Award” kumhpa a majaw grai chyeju dum ai lam Mr. Bizili hpe tsun lai wa sai. Wa Sarabyin Francis gaw “Nye a matu ja ja akyu hpyi karum nga rit” nga nna galoi mung kam sham ai hpung masha ni hpe tsun nga ai re.

Add new comment

14 + 2 =