Wa Sarabyin Francis Gaw : Simsa Lam,Gaw Shachyaw Shangang Ai Mung Masa Kaja Ra Ahkyak Nga Ai Shiga

Wa Sarabyin: Simsa Lam, Gaw Shachyaw Shangang Ai Mung Masa Kaja Ra Ahkyak Nga Ai

March 18, bat kru ya shani, Company dat kasa ni hte "Progetto Plicoro" na magam gun 150 hte hkrum shaga ai lamang hta, Wa Sarabyin Francis, simsa lam gaw sharawt ai mung masa lam kaja hpe ra ahkyak ai, nga nna tsun hpaw da nga ai.

 

Italy ramma ni mung masa lam kaja hta shang lawm ap nawng nga ai gaw mung shawa masha ni a ra kadawn ra sharawng ai hpe gaw de lawm ai, mungkan ting simsa lam a matu shang lawm ai rai nga ai, nga nna Wa Sarabyin Francis tsun ai.

 

Majan gaw mung masa lam hkrat sum shangun ai, mung masa lam kaja gaw de na aten hpe jahtum shama kau ya ai. Mung masa lam kaja galaw ai ni gaw mung shawa masha ni a nsen hpe madat ai, dai ni na aten hta ra ahkyak grau ai hpe madung da ai, simsa lam hpe hpe tam ai, nga nna mung tsun shadum da ai.

Laning mi ram majan laknak n shapraw ai rai yang, mungkan hta kaw si hpang gara ai ni law law hpe jahkru shakat ya lu na rai nga ai, nga nna mung tsun ai.

Ga Shaka Dingsa prat na Israel hkawmhkam Ahab hte shi a madu jan Jezebel gaw,  n kaja dik mung masa galaw ai yan rai ma ai.

 

Daw jau ai lam n nga ai arawng power gaw matsan mayan ni hpe dip lu dip sha ai lam tai nna numja numjan re ai majan hkrai byin nga na ra ai, nga nna mung shadum sadi jaw da ai.

Maga mi hta, Ga Shaka Dingsa na Yaku a kasha Yawsep gaw yawng a matu kaja lam hpe sha myit ai simsa lam gaw de ai wa rai nga ai.

Si mani hte yawng hte seng ai apu asi, akyu ara hpe myit ai mung masa galaw na gaw ahkyak ai.

Si mani ai gaw kaji htum ni hpe, n-gun n rawng ai ni hpe, matsan jam jau htum ni hpe,nihtep ai hku tsaw ra lu ai,

Yawng a kyu ara, apu asi si ai lam gaw aten galaw na myit mada shara hpe yu ai, de a matu galaw shakut ai, karan kachyan ai, tsun shaga ai; dai gaw tengman ai hpe shabyin ai, madat na la nna chye na hkawn hkrang wa shangun ai. Shu mashi shu masha prat shagu na matu myit mang let galaw sa ai lam rai nga ai, nga nna, Wa Sarabyin Frncis, tsun shang lang da ai.

Mung masa galaw ai ni gaw shinggyim wuhpung wuhpawng hpe daw jau ai ni rai ra ai. Shanhte a daw jau ai lam gaw n law masha kachyi mi a akyu ara matu sha n mai rai ai, prat bang shagu na shinggyim myu sha yawng a matu rai ra ai.

 

Daw jau ai lam n nga ai mung masa galaw ai ni gaw mung masa jahten ai ni rai nga ai, nga nna mung Wa Sarabyin Francis, shadum sadi jaw da ai.

Hpang jahtum, mung shawa masha wuhpung wuhpawng a matu aten shagu daw jau ai nga na matu n-gun jaw let, Wa Sarabyin Francis, shi a mungga ginchyum dat shangut da ai.

 

By Fr. Patrick Gawmaw Hkawng Yae

#vaticannews

#rvakachinservice 

 https://www.vaticannews.va/en/pope/news/2023-03/pope-world-needs-a-good-politics-that-promotes-peace.html

 

Add new comment

1 + 6 =