Wa Sarabyin A Easter Tridiuum Nawku Daw Jau Lamang

Chyoi Pra Ai Mali Ya (April 1, 2021)

Chyoi Pra ai Mali ya shana na nawku daw jau lamang hpe Vatican kaw nga ai Cardinal Beccuie shanu nga ai jawng na chapel hta “Yesu Madu a hpang jahtum daw sha poi” Misa Hkungga nawng jau ai lam chye lu ai. Wa Sarabyin nawng jau ai Misa Hkungga hpe shana daw 5: 30 p.m, aten hta galaw hpang ai rai nna, Cardinal a jawng wang hta ap nawng ai ni hte Focolari Sasana magam gun n kau shang lawm ma ai lam chye lu ai.

Chyoi Pra Ai Manga Ya (April 2, 2021)

Chyoi Pra ai Manga ya shana na wudang shagrau ai nawku daw jau lamang hpe San Peter Nawku Htingnu hta Wa Sarabyin Francis hkum nan woi awn galaw ai lam chye lu ai. Shang lawm ai ni mung Covid 19 makawp mahkyen hte maren hkrak hkan shatup let masat da ai masha shadang hte sha shang lawng ma ai.

The Preacher of the Papal Household, Cardinal Raniero Cantalamessa a mungga hta Kahtawlik Nawku Hpung masha ni gaw Hkristu hkum nan gaw de da ai nau na myit majing hte tsaw ra lam “Christological foundation of fraternity” ngu ai nga ra ai ngu tsun shadum da ai.

Chyoi Pra Ai Kru Ya (April 3, 2021)

Chyoi Pra ai Kru ya shana na “Madu Yesu bai hkrung rawt ai” Paska Misa hkungga (Easter Vigil Mass) hpe mung San Peter Nawku Htingnu hta sha, Wa Sarabyin Francis woi awn nawng jau lai wa ai. Dai shana na mungga hta, Wa Sarabyin gaw Madu Yesu Shawng de ga sadi tawn tsun da sai hte maren bai hkrung rawt ai hpang mung Shi a Kasa ni hpe Galilee kaw hkrum na lam bai kahtap tsun wa ai hpe madung da sumru woi da nga ai.

Chyoi Pra ai Laban bat magam a Chyoi Pra ai Mali, Manga, Kru Ya, shana masum na nawku daw jau lamang hpe Easter Tridiuum ngu shamying ai.

By Fr. Patrick Gawmaw Hkawng Yae

https://www.vaticannews.va/en/pope/news/2021-04/pope-mass-lords-supper-cardinal-becciu-home.html

https://www.vaticannews.va/en/vatican-city/news/2021-04/cantalmessa-homily-good-friday-passion-celebration.html

https://www.vaticannews.va/en/pope/news/2021-04/pope-francis-easter-vigil-homily-galilee-begin-anew-2021.html