Wa Sarabyin: Chyeju Atsam Gaw Matsan Dum Lama Magam Galaw Na Matu Lam Woi Ya Ai

September 29, bat masum ya shani, Wa Sarabyin Francis, hpung shawa masha ni hte hkrum shaga ai shaloi, San Pawlu Galiti hpung masha ni hpang de shagun dat ai laika chyum laika hte sharin shaga ai.

Sharap shara ai tara gaw Hkristu hta kam sham ai kaw nna lu la ai. Karai Kasang a matsan dum lama hte matut mahkai lam gaw mara dat ya ai rai nga ai. Yubak mara luu ai ni gaw Karai Kasang a mara dat hkyam sa hte hkye hkrang la lam hkam la lu ai. Dai gaw Yesu Madu a nni nkri hkam, si hkam ai a marang e hkam la lu ai hpe tsun ai rai nga ai. Karai Kasang hte pri nem lam hpe lu la ai mung rai nga ai.

Shawang myit hte jaw ai, manu jahpu n la ai sha jaw ai tara rapra ai, maren mara shatsawm jahtuk sharap shara ai lamg aw Karai kasang hte hpan da hkrum nga yawng nga pra ni a lapran, shinggyim masha ni a n madat n mara ai a majaw byin wa ai mara hpe raw dat hkyam sa ya ai lam rai nga ai.

Chyeju atsam gaw matsan dum lama magam galaw na lam matsun ya ai, ngu San Pawlu sharin shaga da ai hpe Wa Sarabyin Francis sang lang da ai. Karai Kasang a chyeju hte sha shinggyim masha ni hpe hkye la lu ai. Hkristu hta kam sham ai rai yang tara rapra lam hpe lu la ai. Dai gaw Karai Kasang a chyeju atsam re. Mara dat hkyam sa ai na matu . Karai Kasang a chyeju atsam gaw madung ahkyak dik ai.

Karai Kasang jaw ya ai chyeju atsam lu ai ni gaw matsan dum lama magam hpe galaw ra ai. Dai gaw Karai Kasang a tsaw ra hpe sakse hkam ai rai nga ai, ngu Wa Sarabyin Francis, hpung shawa masha ni hte hkrum shaga ai shaloi sharin shaga da nga ai.

By Fr. Patrick Gawmaw Hkawng Yae

#vaticannews #rvakachinservice

Source : Vatican News