Teng Man Ai Lam Hpe Ra Sharawng Awng Nna, Myit Masin Hpe Galai Shai Na Matu Hpaw Da Ga (Open to Changes)

Teng Man Ai Lam Hpe Ra Sharawng Awng Nna, Myit Masin Hpe Galai Shai Na Matu Hpaw Da Ga (Open to Changes)

Wa Sarabyin Francis kawn Collegio Rotondi in Gorla Minore (Milan) kaw na Italian jawng ma ni, kanu kawa ni hte sara/num ni rau hkrum shaga ai zuphpawng hta teng man ai lam hpe tam ai ten hta masha ni rau tsun shaga kanawn mazum yang san seng ai myit tawn da let tsun shaga ra ai lam hpe n gun jaw tsun lai wa ai. Wa Sarabyin Francis kawn Italy mungdan kata jawng hpaw da ai hta e na htum jawng langai kaw na jawng ma wuhpung hpe tinang hkum tinang Hkahtawlik makam masham hta daju da nga ai lamang hta raitim, u ga nbung ai lam ni hta raitim myit hpe asan sha da nna tsun shaga galaw sa ra ai hpe (open to changes) n gun jaw tsun shaga lai wa ai hpe chye lu ai.

Wa Sarabyin kawn Milan makau hta nga ai 1599 ning kaw na gaw gap lai wa ai jawng Collegio Rotondi in Gorla hta jawng ma ni, nta masha ni hte sara sarama ni marai 3000 hpe Vatican hta 425 ni Anniversary hku na hkrum zup ai hta “ anhte ni gaw tinang a makam masham hte sasana hpe tinang a nawku hpung hta gara hku galai shai nna ru jung ai hte galu kaba hkra galaw na hpe tinang hkum tinang chey da ra ai lam” tsun shadum lai wa ai. Wa Sarabyin kawn Collegio Rotondi jawng gaw shaning tsa law law wa hta e “mungkan labau shamu shamawt ai.. ra rawng ai lam ni hta hkan nna shi shara hte shi aten rau galu kaba hkra galaw lai wa ai lam hpe tsun dan lai wa ai. Dai majaw dai jawng na activity lam shagu hta myit lawm hkum lawm shang lawm na hte mahkrum madup nnan ni hpe mung hkap la na matu shajin da ra ai hpe n gun jaw tsun shadum lai wa ai. Wa Sarabyin kawn ramma ni hpe “tinang hkum hpe shingra maka a tsawm htap ai ni (fashion of the moment) hte masha yawng mayawng a myit ai lam ni (common thinking) rau n ka up hkra galaw let (not influenced) lam shagu hta teng man ai hpe hkan tam nga na hte masha law law rau hkrum ai lam ni (like or consensus of followers) gaw tinang a ahkawn ahkan ni (freedom) hpe la kau chye ai lam hpe tsun shadum lai wa ai.

Dai hte maren sha jan nna ra kadawn nga ai lam ni hta e na a ningmu hte shai ai nga tim galai shai ra na lam ni nga yang galai shai na hpe hkap la nna galai shai na hpe mung tsun shadum lai wa ai. “teng man ai lam hpe ra sharawng ai masha tai ga, Bai nna e masha hpe madat mara ya na jahkrum bawmban ai lam hpe hkap la u” Wa Sarabyin kawn Madu Yesu sharin ya lai wa ai hta teng man ai lam gaw anthe hpe myit sim sa shangun ai lam re ngu tsun let “anhte nchye nkaw ai gaw hkrit tsang ai hpe byin shangun nna anhte a hkrit tsang ai myit gaw anhte hpe hkam sharang ai myit hpe shamat kau ya chye ai” (Ignorance breeds fear and fear breeds intolerance) lam ni nga ai majaw anhte a hpaji byen nya (knowledge) jat wa na matu garan gachyan ai lam, masha u ga ni hte tsun jahta ganawn mazum ai lam ni gaw ahkyak ai lam ni rai nga ai hpe madung da tsun lai wa ai. Wa Sarabyin kawn “anhte ni galu kaba wa na matu hpaji ni hka ja lai wa ai, galu kaba wa ai ngu ai gaw anhte shada da tsun shaga chye wa ai kanawn mazum chye wa ai lachyum re ai hpe tsun san lang dan lai wa ai. Dai lam ni hta anhte ni Karai Kasang hte ga shaga ai, Sara ni rau , kanu kawa ni bai nna shada da hpaji chye ai masha ni hte rau tsun shaga chye ai lam ni re ai hpe mung matsing hpa tsun lai wa ai. Wa Sarabyin kawn kahtap na (dialogue) ngu ai shada da shaga ai lam hta “ tinang hte rau myit sawn sumru ai lam nbung ai masha ni hte tsun shaga ra ai”hpe tsun lai wa ai, dai zawn re ai ni rau shaga ai marang e tinang hta grau grau nna myit hpa lam nnan hpaji ni lu hkaja la nna tinang hkum hpe grau kaja ai hku masha ni hpe hpaji bai jaw lu na hpe mung tsun lai wa ai.

Bai Wa Sarabyin gaw jawng na (Moto) lashum ga rai nga ai rai nga ai “Erudire et edocere”, dai gaw masha shagu tinang hkum tinang teng man ai hpe lu tam na hte tinang hkum tinang grau nna creativity ni hpe shapraw ai hkan ra rawng ai hta garum ya lu ai tool re ai hpe tsun lai wa ai. Hpang jahtum hku na Wa Sarabyin kawn Collegio Rotondi jawng mung matut nna shaning law law hta lam shagu kaw grau rawt jat galu kaba nna labau hpe zing hkang lu u ga ngu n gun jaw ga tsun lai wa ai hpe chye lu ai.